Ўзбекистон республика товар-хом ашё биржасида биржа савдоларини ўтказиш Қоидалари

I.
 
УМУМИЙ ҚОИДАЛАР 
 
1.
Мазкур Қоидалар Ўзбекистон республика товар-хомашё биржаси (кейинги 
ўринларда – Биржа деб юритилади), биржа аъзолари ва уларнинг трейдерлари, биржа 
аъзолари орқали биржа битимларини амалга оширувчи жисмоний ва юридик 
шахслар, шу жумладан норезидентлар, шунингдек биржа битимларини амалга 
оширишда, рўйхатга олишда, расмийлаштиришда ва ижро этишда ҳамда улар бўйича 
ҳисоб-китобларни амалга оширишда бевосита иштирок этадиган ёки кўмаклашадиган 
шахсларга нисбатан амал қилади. 
2.
Агар 
Ўзбекистон 
Республикасининг 
амалдаги 
меъёрий-ҳуқуқий 
ҳужжатларида ушбу Қоидалардан фарқ қилувчи қоидалар кўзда тутилган бўлса, 
амалда меъёрий-ҳуқуқий ҳужжатларда кўзда тутилган қоидалар қўлланилади. 
3.
Биржанинг ички ҳужжатлари орқали ўрнатиладиган тартиб ва қоидалар ушбу 
Қоидаларга мувофиқ бўлиши лозим. 
4.
Ушбу Қоидаларда қуйидаги асосий тушунчалардан фойдаланилади: 
трейдернинг иш жойи (ТИЖ) 
– ижара шартномаси асосида биржа аъзоларига 
тақдим қилинадиган иш жойи; 
(4-банднинг 2-хатбошиси “ЎзРТХБ” АЖ Кузатув кенгашининг 2021 йил 20 декабрдаги 
баённомаси таҳририда)
биржанинг котировка варақаси 
– биржа савдоларига қўйилган биржа 
товарларининг рўйхати; 
биржа битими 
- биржа томонидан рўйхатга олинган, биржа савдосининг 
биржада қайд этилган натижаси асосида биржа товарига доир тузилган олди-сотди 
шартномаси; 
биржа товари 
- дастлабки кўрикни талаб этмайдиган, сифат кўрсаткичлари 
ўзгармаслиги ва биржа битимлари мунтазам равишда тузилиши билан 
тавсифланадиган биржа савдоларига қўйилган муайян тур ва сифатдаги товар; 
биржа савдоси 
– биржа савдолари қоидаларига асосан биржа томонидан 
ўтказиладиган савдо; 
пул маблағлари блокировкаси 
- битим бўйича харидорлар ва сотувчилар 
мажбуриятларининг тўлиқ бажарилишини таъминловчи пул маблағлари ҳаракатини 
битим ёпилгунга қадар тўхтатиб қўйиш;