Ўзбекистон респубикаси

Лойиҳалаш сифати маҳсулот сифатини режалаштириш жараёнларида акс этади. Маҳсулотни режалаштириш маркетинг тадқиқотлари жараёнидан бошланади. Маркетинг тадқиқоти сифати – бу маҳсулотнинг келгусидаги сифатини аниқлшатирувчи биринчи омилдир. Сифатни режалаштириш маҳсулотни лойиҳалаштириш жараёни ва жараёнларни ишлаб чиқиш жараёнларида давом этади.
Ишлаб чиқариш сифати маҳсулот сифатини шакллантириш жараёнларда ўз ифодасини топади. Режалаштирилган сифатнишакллантириш материалларни сотиб олишдан бошланиб, истеъмолчига маҳсулотни тақдим этиш ҳолати билан якунланади. Маҳсулот сифатни шакллантириш маҳсулотни режалаштирилган тавсифларини шакллантириш билан тенг қийматга эга эмас. Маҳсулотни режалаштирилган тавсифларини шакллантириш ишлаб чиқаришни технологик занжири билан биргаликди тугатилади. Маҳсулот сифати истеъмолчиларни қаноатланганлиги билан аниқланади, шунинг учун бу нафақат ишлаб чиқарилаётган маҳсулот тавсифларига боғлиқ, балки, қадоқлаш сифатига, ўз вақтида етказиш, сотиш сифатига боғлиқдир. Маҳсулот сифатини шакллантирувчи фаолият турларига харид, ишлаб чиқариш (хизмат кўрсатиш), тайёр маҳсулотни текшириш, қадоқлаш ва сақлаш, сотиш ва олди-сотди, монтаж ва эксплуатацияга тақдим қилиш фаолиятлари киради.
Эксплуатация сифати маҳсулот сифатини ўзгариш жараёнларида намоён бўлади. Эксплуатацияда бўлган маҳсулот сифатига эксплуатация, сервис хизмат кўрсатиш ва таъмирлаш ишларини олиб бориш жараёнларининг сифати таъсир кўрсатади (3.13-расм).

Эксплуатация тажрибаси келгусида маҳсулотни такомиллаштириш учун зарур бўлиб ҳисобланади.
Ҳаётий циклнинг охирги босқичи иккиламчи қайта ишлаш ёки утиллаштириш бўлиб ҳисобланади. Бу жараёнларнинг сифати экологик, санитар ва бошқа нормалар билан белгиланади.
Бундай тугалланувчи жараён модели сифат ҳалқаси деб аталади. Юқорида келтирилган барча турдаги фаолиятлар сифат ҳалқаси моделини ташкил этиб, якуний натижа сифатига бевосита таъсир этади.