Ўзбекистон респубикаси

8.5 Яхшилаш
8.5.1 Доимий яхшилаш
Ташкилот сифат соҳасидаги сиёсат ва мақсадлардан, аудитлар натижаларидан фойдаланиш, маълумотларни, тузатиш ва олдини олиш ҳаракатларини таҳлил қилиш, шунингдек раҳбарият томонидан таҳлил қилиш йўли билан сифат менежменти тизимининг натижалилигини доимий равишда ошириши керак.

Ташкилот яхшилаш учун имкониятларни қидириш бўйича доимий фаолиятни амалга ошириши керак. Потенциал яхшилашларни диапазони узлуксиз фаолиятдан яхшилашни узок муддатли лойиҳаларигача бўлиши мумкин.

Яхшилаш бўйича амалларни режалаштиришда жараёнларни режалаштирилган натижаларга эришилиши қисми бўйича мониторинги, ўлчашлари ва таҳлили натижаларини жараёнларни натижалиги ва самарадорлигини ошириш учун қўллаш зарур. Сиёсатни ўзгариши, аудитлар натижалари, олдини олиш ва тузатиш ҳаракатларини ва ташкилот сифат бўлимида жамланадиган маълумотлар таҳлилини ҳисобга олган ҳолда ташкилот СМТ доимо такомиллашиши керак.

8.5.2 Тузатиш ҳаракатлари Ташкилот номувофиқликларнинг қайтарилишини олдини олиш учун уларнинг сабабларини бартараф қилиш мақсадида тузатиш ҳаракатларини амалга ошириши лозим. Тузатиш ҳаракатлари аниқланган номувофиқликлар оқибатларига мос бўлиши лозим. Қуйидагиларга қўйиладиган талабларни аниқлаш учун ҳужжатлаштирилган процедура ишлаб чиқилган бўлиши керак: а) номувофиқликларни таҳлил қилиш (жумладан истеъмолчиларнинг шикоятлари); b) номувофиқликлар сабабларини аниқлаш; c) номувофиқликларни қайтарилишини олдини олиш учун ҳаракатлар зарурлигини баҳолаш; d) зарур ҳаракатларни аниқлаш ва амалга ошириш; e) қилинган ҳаракатлар натижаларининг ёзувлари (4.2.4 қ.); f) қилинган тузатиш ҳаракатларининг натижалилигини таҳлил қилиш.

Тузатиш ҳаракатлар маркетингдан бошлаб тайёр маҳсулотни сотишгача булган, маҳсулотни ишлаб чиқиш, назорат қилиш ва ишлаб чикаришни барча боскичларида ишлаб чиқилиши мумкин.
Тузатиш ҳаракатлар аниқланган номувофиқликларни сабабларини бартараф килиш мақсадида ишлаб чиқилади ва жорий қилинади.
Тузатиш ҳаракатлар амалдаги номувофиқликларни сабабларини, ташкилотни ривожланши истиқболли муаммоларини ва ишлаб чикарилаётган маҳсулот (хизмат) сифатини яхшилашга йўналтирилган. Бу масалалар ташкилотни ривожланиш режасида, сифат дастурида, бизнес – режа, бошқа ҳужжатларда кўрсатилиши мумкин.
Тузатиш ҳаракатини ишлаб чиқиш учун асос бўлиб амалдаги номувофиқлик, яъни ўрнатилган талабларни бажарилмаслиги ёки жараёнларни белгиланган мақсадларига эришилмаганлиги ҳисобланади. Ташкилот тузатиш ҳаракатларни режалаштириш ва жорий қилиш тартибини ишлаб чиқиши керак. Режалаштириш сифатга таъсир кўрсатувчи муаммоларни муҳимлигини баҳолашни ўз ичига олиши керак.