Ўзбекистон респубикаси

10.3. Жараёнлар ва маҳсулот мониторинги ва ўлчашлар

Стандартнинг қуйида келтирилган талаби, ташкилот ўзининг маҳсулоти, хизмати ва жараёнларини қандай текшириш йўлларини аниқлашни талаб этади. Кўпинча бу икки вазифа бир-бирини тўлдириб келади ва қўп ҳолатларда монитроинг ва ўлчаш усули жараёнлар учун ҳам маҳсулот учун ҳам қўлланилади.

8.2.3 Жараёнларни мониторинг қилиш ва ўлчаш Ташкилот сифат менежменти тизими жараёнларини мониторинг қилиш ва мақсадга мувофиқ бўлганда, уларни ўлчашнинг тегишли усулларини қўллаши керак. Ушбу усуллар жараёнларни режалаштирилган натижаларга эришиш қобилиятини намойиш қилиши лозим. Агар режалаштирилган натижаларга эришилмаган бўлса, у ҳолда мақбул тарзда тузатиш ва тузатиш ҳаракатларини амалга ошириши керак. Изоҳ – Қулай усулларни белгилашда, ташкилот ушбу жараёнларнинг маҳсулотга қўйиладиган талабларга мувофиқлигига таъсир этиши ҳамда сифат менежменти тизимининг натижалилигига нисбатан ҳар бир жараёнга мувофиқ бўлган мониторинг ва ўлчашлар хили ҳамда ҳажмини ҳисобга олиши тавсия этилади.

Жараёнларни самарали фаолият олиб бориши учун ташкилотда режалаштирилган натижаларга эришилганлгини, шу жумладан жараёнлар натижалилиги ва самарадорлигини баҳолаш услуби ишлаб чикилиши ва қўлланилиши керак.
Жараёнларни натижалиги, жараён бажарилганда маълум натижаларга эришилганлигига гувоҳлик берувчи жараённи тегишли кўрсаткичлари (мақсадлари) ёрдамида аниқланади.
Технологик жараёнлар мониторинги ўтказилганда технологик интизомга риоя қилиниши назорати усули қўлланиши мумкин.
Бундай текширишларни самарали ўтказиш учун, текширилаётган ҳар бир объект учун талаблар, кўрсаткичлар, мақсадларни, ўтказиш учун жавобгарлик ва натижаларни рўйхатга олиш учун шаклларни аниқ ўрнатиш керак. Натижаларни рўйхатга олиш учун шаклларда, текширилаётган объектдаги жараён ўрнатилган кўрсаткичларга эришиши ва белгиланган мақсадларни бажаришига гувоҳлик берувчи боҳолаш кўрсаткичлари кўзда тутилиши керак.
Мониторинг бўйича фаолият СМТ ишлаб чиқиш, жараёнларни белгилаш ва баён қилиш босқичида кўзда тутилиши керак.
Ташкилотда олиб борилаётган ҳар бир жараённи баён қитлишда режалаштирилган натижаларга эришилганликни текшириш мезонлари ва усуллари ўрнатилиши керак. Агар жараённи режалаштирилган натижаларига эришилмаган бўлса, номувофиқлик сабабларини бартараф килишга йўналтирилган тузатиш ҳаракатлари ишлаб чиқилади.