Ўзбекистон респубикаси

7.2.2 Маҳсулотга тегишли талабларни таҳлил қилиш
Ташкилот маҳсулотга тегишли талабларни таҳлил қилиши керак. Ушбу таҳлил, маҳсулотни истеъмолчига етказиб бериш мажбуриятлари ташкилот томонидан қабул қилинишидан (масалан, тендерларда қатнашиш, шартномалар ёки буюртмалар олиш, шартнома ёки буюртмага ўзгартириш қилиш) олдин ўтказилиши лозим ва қуйидагиларни:
а) маҳсулотга қўйиладиган талаблар белгиланган бўлишини;
b) аввалги ифодаланганлардан фарқ қилувчи шартнома ёки буюртма талаблари келишилган бўлишини;
с) ташкилот белгиланган талабларни бажаришга қодирлигини таъминлаши керак.
Таҳлил натижалари ва таҳлилдан келиб чиқадиган ҳаракатлар бўйича ёзувлар ишчи ҳолатда сақлаб турилиши лозим (4.2.4 қ.).
Агар истеъмолчилар ҳужжатлаштирилган талабларни кўрсатмаса, маҳсулотга қўйиладиган талаблар ташкилот томонидан улар қабул қилинишидан аввал тасдиқланиши лозим.
Агар маҳсулотга қўйиладиган талаблар ўзгартирилган бўлса, ташкилот тегишли ҳужжатларга ўзгартишлар киритилишини ва ўзгартирилган талаблар ҳақида манфаатдор ходимга маълум қилинишини таъминлаши керак.
Изоҳ – Айрим ҳоллларда, масалан, Интернет орқали амалга ошириладиган сотувларда ҳар бир буюртмани расмий таҳлил қилиш деярли мумкин эмас. Бунинг ўрнига каталоглар ёки реклама материаллари каби маҳсулот ҳақидаги тегишли ахборот таҳлил қилиниши мумкин.

Маҳсулотга барча талаблар ҳужжатли расмийлаштирилиши керак.
Етказиб беришга шартнома (контракт) га киритилган, истеъмолчи билан келишилган аввалги талаблар ўзгартирилиши зарурияти бўлганда, ташкилотда шартнома, контракт лойиҳалари бўйича, шунингдек бажарилиш босқичида бўлган шартномаларга истеъмолчи томонидан киритилган ўзгартиришлар рўйхатга олиниши керак.
Кўриб чиқиш ва таҳлил контракт (шартнома) имзолангунгача амалга оширилиши керак.
Ташкилот маҳсулотга талабларни таҳлили натижалари ва истеъмолчилар талабларини бажариш бўйича кейинги ҳаракатларни қўшган ҳолда, таҳлил натижалари бўйича кейинги ҳаракатларни рўйхатга олиши керак.
Ишлаб чиқариш талаблари ва ўзгаришлар билан боғлиқ сабабларга кўра контрактга ўзгартиришлар киритиш заруриятида, ташкилот контрактни ўзгарган шартлари билан маҳсулот етказиб беришни барча ўзига хос хусусиятлари тўғрисида истеъмолчини хабардор қилиш ва у билан келишишни таъминлаш керак.