Ўзбекистон олий ва ўрта махсус таълим вазирлиги тошкент автомобил ва йўллар институти “ЙЎЛ Қурилиши” факультети

3. Икки қатламли сиртга ишлов бериш (бир қанча мамлакатларда уни икки қаватли “сендвич” деб аташади). Биринчи қатламга қуйилган боғловчи
устига йирик фракцияли чақиқ тош тақсимланади ва зичланади. Сўнгра иккинчи қатлам боғловчиси қўйилади, майда фракцияли чақиқ тош тақсимланади ва зичланади. Мустаҳкамлиги етарли бўлмаган қопламаларда ҳаракат жадаллигидан ёриқ, из ва чуқурликлар ҳосил бўлган ҳолларда, яъни фақатгина ҳимоя ва емирилувчи ғадир-будир қатламни ҳосил қилишгина эмас, балки уларни равонлигини яхшилашда, қаттиқлиги ва силжишга қаршилигини бирмунча оширишда қўлланилади.
4. “Сендвич” типидаги сиртга ишлов бериш. Аввал қопламага йирикроқ фракцияли чақиқ тошлар тақсимланади, сўнгра боғловчилар юза бўйлаб бир меьёрда сепилади ва майда фракциядаги чақиқ тошлар тақсимланади ҳамда зичланади. Сиртга ишлов берилган қатлам ҳосил қилган тузилишни, боғловчини сепиш ва икки қатлам чақиқ тошни тақсимлаш билан қурилган бир қатламли сиртга ишлов бериш билан солиштириш мумкин. Бундай сиртга ишлов бериш, қоплама равонлиги ҳар хил бўлганда уни текислаш ва бир мунча кучайтириш учун маҳаллий аҳамиятдаги иккинчи даражали йўлларда қўллашга тавсия этилади.

Чақиқ тош оддий тақсимланган бир қатламли қоплама:

• 
  бир қатлам боғловчи;
  
• 
  бир қатлам чақиқ тош (5-10 мм)
  

Чақиқ тош икки марта тақсимланган бир қатламли қоплама:

• 
  бир қатлам боғловчи;
  
• 
  чақиқ тош (10-20 мм);
  
• 
  чақиқ тош (5-10 мм)
  

Икки қатламли қоплама:

• 
  бир қатлам боғловчи;
  
• 
  чақиқ тош 10-20 мм);
  
• 
  боғловчининг иккинчи қатлами;
  
• 
  чақиқ тош (5-10 мм)
  

«Сендвич»типидаги қоплама:

• 
  чақиқ тош (10-20 мм);
  
• 
  бир қатлам боғловчи;
  
• 
  чақиқ тош (5-10мм)
  

19 – расм. Сиртга ишлов беришнинг кўринишлари