Ўзбекистон олий ва ўрта махсус таълим вазирлиги тошкент автомобил ва йўллар институти “ЙЎЛ Қурилиши” факультети

Ишларни ташкил этиш усуллари. Оқим йўналишли (маршрутли) усул йўлнинг бутун узунлиги бўйлаб таъмир ишларида мақсадга мувофиқ (5-расм) бўлган ихтисослашган бригадаларни бирлаштиради. Бригадалар таъмирнинг технологиясига мувофиқ бир-бири билан ўрин алмашиб ишлайди (масалан, йўл пойи, қопламани таъмирлаш).



5 – расм. Йўлларни таъмирлаш ва сақлаш ишларини ташкил этиш схемалари б – кетма – кет участкали оқим; в – параллел участкали оқим; г – параллел усул; д – қурама усул.

Оқим йўналишли усул билан таъмирлашнинг умумий давомийлиги қуйидагича:

Т₀ = t_p + t_м,

бу ерда: t_p –оқимни йўлга қўйиш вақти, яъни таъмирланаётган биринчи участкада ҳамма ихтисослашган бригадалар ишга тушиб кетиши учун кетган вақт; t_м- таъмирнинг охирги технологик босқичини бажариш вақти (масалан, қоплама қуриш).

Комплекс оқим йўналишининг ўртача суръати:


S_n= L_o/T_o,

Бунда таъмир ишларининг алоҳида тури учун:

S_in= L_o/t_t,

бу ерда t_t- ихтисослашган бригаданинг иш вақти.

Таъмир ишлари бажарилишининг хисобий давомийлиги (смена):


T_p.n. = (T_к- T_в) K_см,

бу ерда T_к- кўрсатма билан таъмирлар учун ажратилган тақвим кунлари;

T_в- ишланмайдиган кунлар (байрамлар, дам олиш кунлари, машинани таъмирлаш ва профилактикаси, об-ҳаво сабаблари ҳамда ташкилий шароитларга кўра туриб қолишлар); K_см- смена алмашув коэффициенти (1,8...2,0).
Таъмир ишларининг талаб этилган алмашинув суръати:


S_тр= L_o/ T_p.n.,

Транспорт воситаларининг ҳаракати тўҳтаб қолмаслиги учун иккита қарама- қарши оқимли йўналиш ташкил қилиш керак. Шунда ўртача суръат 2 марта ошади.