Збекистон миллий университети

Назорат саволлари

1. 
   Объектлардаги ва математикадаги полиморфизм тушунчаларидаги ўхшашликлар (мосликлар) нимада?
   
2. 
   Объект туридаги формал параметрга қиймат беришда турлар мослашуви нимани англатади?
   
3. 
   Нима учун статик методларда полиморфизм туб маънода амал қилмайди?
   
4. 
   Виртуал методларда нима ҳисобига турлар мослашувига эришилади?
   

§ 3.23. Программа кодининг бажарилишида хотира тақсимоти

ТП да программалар ва берилганларнинг ШЭҲМ хотирасида жойлашишини таҳлил қилиш воситалари мавжуд. MS-DOS операцион системасининг адресланувчи хотира соҳаси сегментлардан ташкил топади: хотира, ўлчами 64 Kb гача бўлган хотира бўлакларидан иборат бўлади. Адресланувчи хотирасининг ихтиёрий катаги (ячейкаси) Сегмент:Силжиш жуфтлиги билан аниқланади. Бу ерда сегмент – ихтиёрий 16 га каррали физик адресни кўрсатиши мумкин. Бу эса ўз навбатида хотира катагини кўп усулда адреслаш мумкинлигини кўрсатади. Мисол учун $83FD:$000B, $7FFD:$400B ва $756D:$E60B адреслари хотиранинг битта катагини кўрсатади.

Ихтиёрий хотира катагини унинг бошига нисбатан (0000:0000) яхлит адресини қуйидагича ҳисобланади: Яхлит адрес = Сегмент*16 + Силжиш.
Қуйида келтирилган чизмада сегментлар пастдан юқори томон номерлаган, уларнинг мазмуни қуйидагича.
1-сегмент. Программа ишга тушганда MS-DOS бу файл ҳақидаги маълумотнома яратади (256 байт узунлиги) – PSP (Program Segment Prefix).
2-сегмент. PSP дан кейин EXE – файл коди келади, унинг хажми 64 Кбайтдан ортиқ бўлиши мумкин. Сегмент адреси процессорнинг CS регистрида сақланади.
3-сегмент. Статик глобал ўзгарувчилар ва барча турланган константалар (шу жумладан локал) берилган сегменти хажми 64 Кбайтдан ошмайди. Адрес DS да.
4-сегмент. Стек сегментида процедура ва функцияларнинг локал ўзгарувчилари ва параметр-қийматлари жойлашади. Стекни тўлдириш юқоридан бошланади (Бу чегаралар $M директиваси орқали ўрнатилади). Қуйи чегара келишилган ҳолда стекнинг паст чегарасига яқинлашиш кўрсатгичи билан аниқланади. Бу кўрсатгич Stacklimit система ўзгарувчиси билан аниқланади. Одатда бу яқинлашиш 0 ( Stacklimit0), {$N+, E+}. Компиляция режимида –224. Адрес - SS регистрда.
5-сегмент. Стек юқорисида оверлей модуллар учун жой ажратилади (зарур бўлса).
6-сегмент. Динамик ўзгарувчи ва структуралар учун хотира қисми (уюм).