Ўзбекистон миллий университети ҳузуридаги илмий даражалар берувчи dsc

2- жадвал.
Инглиз ва ўзбектилларида дерматовенерологик қисқартма терминларнинг чоғиштирма таҳлили

Қисқартма термин тури	Инглиз тили	Ўзбек тили
Бош ҳарфлардан тузилган қисқартмалар	314	39
Қисман қисқартмалар	16	-
Клиппинг	25	-
Миқдор ва аниқловчи кўрсаткичли қисқартмалар	28	11
Эллипсис	10	-
Блендинг	7	-
Умумий сони	400	50

Дeрматовeнeрология тeрминологик қисқартмаларнинг ясалишида ҳар икки тилда ҳам компонeнтларнинг бош ҳарфларидан ясалиш усулининг самарадор эканлиги аниқланди. Улар инглиз тили тeрминологик қисқартмаларнинг 78.5% ини, ўзбeк тилида 78% ни ташкил этади. Дeмак, дeрматовeнeрология тeрминологияси қисқартма тeрминларнинг сонини орттирувчи манба ҳисобланади. Қисқартмаларни ҳар иккала тилда ҳам бир сўз ҳолатига кeлтирилган сиқиқ тeрминологик бирикма дeб ҳисоблаш мумкин. Инглиз ва ўзбек тилларидаги қисқартма терминлар от туркумига тааллуқли эканлиги аниқланди.

Диссертация ишининг «Турли тиллар тизимида дерматовенерологик терминларнинг синтактик усул билан ясалиши» деб номланган бўлимида инглиз тили ва ўзбек тилларидаги дерматовенерология терминологиясида салмоқли миқдордаги икки, уч, тўрт ва ундан ортиқ таркибли терминлар тадқиқ қилинган ва уларнинг статистик таҳлили келтирилган. Инглиз тили термин бирикмалар ташкил этган компонентлар ифодаланишига кўра қайси сўз туркумларига тааллуқли эканлиги жиҳатидан таҳлили 3-жадвалда келтирилган ва уларнинг қуйидаги моделлари белгиланди.