Ўзбекистон “Маҳалла” хайрия жамоат фонди

 
Ишга қабул қилишда дастлабки синов 
Меҳнат шартномаси қуйидаги мақсадда дастлабки синов шарти 
билан тузилиши мумкин: 
ходимнинг топширилаѐтган ишга лаѐқатлилигини текшириб 
кўриш; 
ходим меҳнат шартномасида шартлашилган ишни давом 
эттиришнинг мақсадга мувофиқлиги ҳақида бир қарорга келиши. 
Дастлабки 
синовни 
ўташ 
ҳақида 
меҳнат 
шартномасида 
шартлашилган бўлиши лозим. Бундай шартлашув бўлмаган тақдирда 
ходим дастлабки синовсиз ишга қабул қилинган деб ҳисобланади. 
Дастлабки синов муддати уч ойдан ошиб кетиши мумкин эмас. 

---

18 
Вақтинча меҳнатга қобилиятсизлик даври ва ходим узрли 
сабабларга кўра ишда бўлмаган бошқа даврлар дастлабки синов 
муддатига киритилмайди. 
Дастлабки синов даври меҳнат стажига киритилади. 
Дастлабки синов муддати тугагунга қадар ҳар бир тараф иккинчи 
тарафни уч кун олдин ѐзма равишда огоҳлантириб, меҳнат 
шартномасини бекор қилишга ҳақлидир. Бундай ҳолда иш берувчи 
меҳнат шартномасини синов натижаси қониқарсиз бўлгандагина 
бекор қилиши мумкин.
Агар дастлабки синов муддати тугагунга қадар тарафлардан 
бирортаси ҳам меҳнат шартномасини бекор қилишни талаб қилмаган 
бўлса, шартноманинг амал қилиши давом этади ва бундан кейин уни 
бекор қилишга умумий асосларда йўл қўйилади. 

---

19 
Илова 
 
АРИЗА 
 
Муайян муассасага ѐки мансабдор шахс номига бирор илтимос, 
таклиф ѐки шикоят мазмунида ѐзиладиган расмий ҳужжат. Ариза 
ижтимоий ҳаѐтда энг кўп қўлланиладиган ва кенг тарқалган иш 
қоғозидир 
Ҳажми, услуби ва туридан қатъи назар, ариза ўзининг умумий 
зарурий қисмларига эга ва у ана шу қисмларнинг изчиллиги асосида 
тузилади. Аризанинг зарурий қисмлари: 
Ариза йўлланган муассасанинг ѐки мансабдор шахснинг номи. 
Ариза ѐзувчининг турар жойи, вазифаси, фамилияси, исми ва 
шарифи. 
Ҳужжатнинг номи (Ариза). 
Асосий матн (ишга кириш тўғрисида). 
Аризага илова қилинадиган ҳужжатлар номи. 
Ариза ѐзувчининг имзоси, исми ва шарифининг бош ҳарфлари, 
фамилияси. 
Ариза ѐзилган вақт (йил, кун ва ой). 
Шуни эслатиб ўтмоқ жоизки, аризанинг зарурий қисмлари барча 
аризаларда ҳам бирдай такрорланавермайди. Масалан, ходим ўзи 
ишлаѐтган корхона ѐки идора раҳбариятига ариза ѐзганда унинг яшаш 
жойи ҳакида маълумот зарур бўлмайди. Бундай ҳолларда ходим 
ўзининг лавозимини кўрсатса, кифоя. Шунингдек, кўпчилик аризалар 
учун иловаларнинг ҳам ҳожати бўлмайди.