Ўзбекистон «камолот» ёшлар ижтимоий ҳаракати

IV. Jamoalarga qo‘yiladigan talablar
16. Intellektual o‘yin davomida:
- jamoa a’zosi intellektual o‘yinni sababsiz tark etishi;
- savollarga baland ovozda javob berishi yoki boshqa jamoa va ishchi guruh a’zolari bilan bahslashishi;
- boshqa jamoalarga o‘zining xulq-atvori bilan salbiy ta’sir o‘tkazishi;
- intellektual o‘yin davomida jamoa a’zolariga tashqi tomondan imo-ishora yoki boshqa vositalar orqali savol javobini yetkazish ta’qiqlanadi.
Agar o‘yin davomida bunday holatlar kuzatilsa, ishchi guruh tomonidan jamoa ogohlantiriladi va ushbu holat qayta takrorlansa jamoa o‘yindan chetlashtiriladi.

V. Tashkiliy qo‘mita
17. Intellektual o‘yinni tashkil etish va uni o‘tkazish mas’ul tashkilotchilarning vakillaridan tarkib topgan “Zukko kitobxon” intellektual o‘yinini o‘tkazish bo‘yicha Tashkiliy qo‘mita zimmasiga yuklatiladi.
18. Mahallalarda istiqomat qiluvchi yoshlar o‘rtasida o‘tkaziladigan intellektual o‘yinlarni o‘tkazish tartibi, muddati va joyi Tashkiliy qo‘mita tomonidan belgilanadi.
Intellektual o‘yinlarni tashkil etish va o‘tkazish bilan bog‘liq barcha masalalarni hal etadi, shu bilan birga ariza, shikoyat va takliflarni ko‘rib chiqadi.
Shuningdek, intellektual o‘yinning hududiy saralash, yarim final va final bosqichlarini o‘tkazish bo‘yicha ishchi guruh tarkibini tasdiqlaydi.

VI. Ishchi guruh
19. Ishchi guruh tarkibi bir nafar savol-javoblarni o‘qib eshittiruvchi boshlovchi, intellektual o‘yinda ishtirok etayotgan jamoalar sonidan kelib chiqqan holda kamida uch nafardan iborat ekspertlar (ekspertlar intellektual o‘yinga qo‘yilgan kitoblarni to‘liq va mukammal o‘qigan bo‘lishlari talab etiladi) hamda jamoalar tomonidan savollarga berilgan javoblar yozilgan varaqlarni ekspertlarga yetkazib beruvchi ikki nafar yordamchilardan (yordamchilar bir vaqtning o‘zida kuzatuvchi vazifasini ham bajaradi) iborat bo‘ladi.
20. Ishchi guruh intellektual o‘yin davomida jamoalarning ballarini umumlashtirib borishi;
- jarima ballari uchun jamoa a’zolarining bir nafar a’zosini o‘yin stolidan chetlatish uchun jamoa sardoriga murojaat qilishi;
- jamoa sardorlarining jamlangan ballar evaziga o‘yinni tark etgan jamoa a’zosini o‘yinga qaytarishga ruxsat berishi;
- jamoa sardorlarining jamlangan ballar evaziga boshqa bir jamoaning bir ishtirokchisini o‘yindan chetlatishga ruxsat berishi;
- Mazkur Nizomning III bo‘limida ko‘rsatilgan qoidalar buzilgan taqdirda jamoaga ogohlantirish e’lon qilishi yoki o‘yindan chetlatishi;
- intellektual o‘yin natijalariga ko‘ra, g‘olib jamoani e’lon qilishi va keyingi bosqichga yo‘llanma berish huquqiga egadir.
21. Ishchi guruh o‘z faoliyati yuzasidan Tashkiliy qo‘mitaga hisobot berib boradi.