Ўзбекистон иқтисодиётида еврооблигацияларнинг аҳамияти. Режа

Хулоса ва таклифлар.
Хулоса қилиб шуни таъкидлаш мумкинки, молия бозорини тартибга солишда молия вазирлиги давлат қимматли қоғозларини эмиссия қилиш орқали тартибга солиш билан бирга давлат сиёсатини амалага оширади. Бундан ташқари, молия бозори институтлари билан ҳамкорлик фаолияти ва корпоратив ҳаракатларни амалга оширади. Биринчидан, бугунги тез ривожланиб бораётган кунда еврооблигацияларга бўлган талаб ўсиб бораётганлигини ҳисобга олган ҳолда, еврооблигацияларнинг аҳамияти деярли бутун дунёга тарқалди, деб таъкидласак муболаға бўлмайди. Еврооблигацияларнинг энг кўп миқдори Европа ва Америка ҳудудига тўғри келади, энг кам миқдори эса Осиё мамлакатларини ўз ичига оляпти. Шунингдек, Ўзбекистонда ҳам еврооблигацияларга бўлган эътибор анча сезиларли. Иккинчидан, еврооблигациялар йирик ва узоқ муддатли инвестицияларни молиялаштириш манбаи ҳисобланади. Евробонд катта ҳажмда ва чет эл валютасида маблағларни ўрта ва узоқ муддат билан (30 йилгача) жалб қилишга хизмат қилади. Масалан, Ўзбекистон каби суверен эмитентлар учун ҳар бир евробонд ҳажми АҚШ доллари ҳисобида 500 миллион ва ундан юқори бўлиши мумкин. Бу маблағларни Ўзбекистонда исталган соҳадаги керакли лойиҳаларга йўналтириш мумкин. Учинчидан, инвесторлар доирасини кенгайтириш ва инвестиция манбаларини диверсификация қилиш имкониятини беради. Ўзбекистонга жалб этилган кредитларнинг асосий қисми халқаро молия институтлари ва бошқа расмий ташкилотлар зиммасига тўғри келмоқда. Бундай кредитлар одатда имтиёзли ва паст фоиз ставкаларида берилади, аммо буларнинг ҳажми, ишлатиш йўналишлари ва муддати чекланган бўлиб, кўп ҳолларда давлатга қўшимча шарт ва мажбуриятлар юкланади. Евробондни эса бир ёки икки эмас, юзлаб инвесторлар сотиб олади ва одатда, аксарияти хусусий сектор ҳисобланган инвесторлар  - халқаро молия институтлари каби шарт ва мажбурият қўйишмайди.
Адабиётлар рўйхати:

1. 
   Атаниязов Ж.Х., Алимардонов Е.Д. Халқаро молия муносабатлари.
   
2. 
   Xavier Vanden Bosch & Stijn Verhelst, «A Briefing on Eurobond», Europian Policy Brief No. 10, June 2012.
   
3. 
   Aizenman, Hutchison and Jinjarak (2011), What is the risk of European sovereign debt defaults? Fiscal space, CDS spreads and market pricing of risk, NBER working paper nr. 17407, September 2011.
   
4. 
   Bernoth, Von Hagen and Schuknecht (2012), Sovereign risk premiums in the Europan government bond market, Journal of International Money and Finance, 31, 975-995.
   

1. 
   5.https://markets.businessinsider.com/bonds/usbekistan-_republikdl-medterm_nts_201924regsbond-2024-xs1953916290
   
2. 
   6.https://markets.businessinsider.com/bonds/usbekistan-_republikdl-med-term_ nts_201929regs-bond-2029-xs1953915136