Ўзбекистон иқтисодчилари XIII форуми

Erik Livni, YETTBning mintaqaviy iqtisodchisi.
YETTB mamlakatda olib 
borilayotgan islohotlardagi ishtirokiga e’tibor qaratdi. 2018-2020 yillar davomida 
YETTB O‘zbekistonga 1,5 milliard yevro miqdorida investitsiya kiritdi. YETTB 
hukumat bilan tog‘-kon sektorini tartibga solishni takomillashtirish bo‘yicha faol ish olib 
bormoqda. Yirik davlat kompaniyalari xalqaro konsalting kompaniyalari ko‘magida 
IPOga o‘zgartirish va tayyorgarlik bosqichida turishibdi. YETTB ko‘magida davlat 
mulkini rivojlantirishning yangi strategiyasi ishlab chiqildi, davlat mulki tarkibidagi 
davlat aktivlarining sonini kamaytiradigan "sotish yoki tushuntirish" tamoyili joriy etildi. 
Kichik biznes va xususiy tadbirkorlikni (KB va XT) rivojlantirishga alohida e’tibor qaratildi, ular 
barqaror bo‘lmagan hajmi, moliyaviy savodxonligi va boshqaruv ko‘nikmalarining pastligi tufayli 
moliyalashtirish imkoniyatlarining cheklanishiga olib keladigan ichki xavf-xatarlarga duch keladilar. Shu 
munosabat bilan, YETTB Yevropa Ittifoqi ko‘magida kichik biznes va xususiy tadbirkorlarga moliyaviy 
ko‘mak hamda professional maslahatlar berish uchun maxsus dasturini ("Kichik va o‘rta tarbirkorlikni 
moliyalashtirish va rivojlantirish") tuzdilar, deya aytib o‘tdi. 
Voldemar Volter, O‘zbekistondagi Germaniya iqtisodiy guruhi loyihasi 
menejeri.
O‘zbekistonda hozirgi kungacha amalga oshirilgan iqtisodiy islohotlarning 
natijalarini: valyuta kursini erkinlashtirish, soliq islohotlari va bojxona tariflarining 
pasayishi borasidagi ishlarni yoritib berdi. Hozirgi vaqtda amalga oshirilayotgan 
islohotlar bank sektori, qishloq xo‘jaligi va davlat korxonalarini xususiylashtirish 
borasidagi ishlarni o‘z ichiga oladi. Shuningdek, bu sohalarda davlat monopoliyasini 
tugatish va xususiy sektor rolini yanada kuchaytirish yo‘nalishlari bo‘yicha muhim 
qadamlar qo‘yildi. Umuman olganda, O‘zbekiston juda qisqa vaqt ichida sezilarli yutuqlarga erishdi, lekin 
oldinda hali katta vazifalar turibdi, deya xulosa qildi V.Volter.