Ўзбекистон иқтисодчилари XIII форуми

2021 yil 5 oktabrda videokonferens aloqa shaklida O‘zbekiston Respublikasi Iqtisodiy taraqqiyot 
va kambag‘allikni qisqartirish vazirligi huzuridagi “Prognozlash va makroiqtisodiy tadqiqotlar instituti” 
(PMTI) tomonidan har yili o‘tkaziladigan O‘zbekiston iqtisodchilari XII Forumi tashkil etildi. Ushbu forum 
xorijiy va mahalliy ekspertlar, ilmiy, akademik va ishbilarmon doira vakillari, shuningdek, xalqaro 
moliyaviy-iqtisodiy institutlar (BMTTD, OTB, YETTB, YUNISEF, KOIKA, Yevropa Ittifoqi, SHHT, JETRO, JICA 
va boshqalar) uchun an’anaviy maydonga aylandi. 
Bu yil 13-bor o‘tkazilgan Forumning asosiy mavzusi "Barqaror iqtisodiy rivojlanish bo‘yicha 
strategik tashabbuslar va amaliy tavsiyalar: potensial va xavflar" deb belgilandi. Forum doirasida so‘nggi 
yillarda O‘zbekiston Respublikasida amalga oshirilgan iqtisodiy islohotlar natijalari, koronavirus 
pandemiyasining mamlakat iqtisodiyotiga ta’siri oqibatlari sarhisob qilindi. Shuningdek, ma’ruzachilar 
tomonidan mamlakatimizni o‘rta muddatli istiqboldagi rivojlanishining asosiy vektorlari belgilab olindi. 
Zamon Atabaevich Xaldarov, PMTI direktori o‘rinbosari.
Mamlakatimiz 
inson huquqlarini mustahkamlash orqali kuchli fuqarolik jamiyati qurishda katta 
yutuqlarga erishganini, shuningdek, huquqiy tizimni mustahkamlash va jozibador 
ishbilarmonlik muhitini yaratish orqali sarmoyalarni keskin ko‘paytirganini qayd etdi. 
So‘nggi yillarda O‘zbekistonda iqtisodiyotning barcha sohalarida tub islohotlar amalga 
oshirilganini, O‘zbekiston dunyo mamlakatlariga ochilganini va qo‘shni davlatlar bilan 
do‘stona munosabatlar o‘rnatilayotganini мamlakatimizda amalga oshirilayotgan 
islohotlarning pirovard maqsadi-ijtimoiy sohani rivojlantirish va aholi farovonligini 
ta’minlash hisoblanishini ta`kidladi. 
Qayd etilishicha, Forumning asosiy maqsadi mahalliy va xalqaro ekspertlarni iqtisodiyotni 
rivojlantirishning dolzarb masalalarini muhokama qilishga jalb etish, potensial va strategik yo‘nalishlarni 
aniqlash va baholash, rivojlanishning tashqi va ichki omillarini hisobga olgan holda barqaror iqtisodiy 
o‘sishni ta’minlash bo‘yicha ilmiy va amaliy tavsiyalarni asoslash hisoblanadi.