Ўзбекистон иқтисодчилари XIII форуми

 
INNOVATIVE SMALL BUSINESS AND ITS PROSPECTS IN UZBEKISTAN 
 
 Dilorom Tadjibaeva,
Doctor of Economics 
Tashkent Financial Institute 
Prof. Department of Economics 
E-mail: [e-mail] 
Abstract:
 
the article discusses issues related to the creation of an institutional environment for the 
development of innovative small business and private entrepreneurship and its development in the future, 
which is especially important in ensuring the well-being of the population, the competitiveness of the 
country's economy. Recommendations are given for the further development of innovative small business.
 
Keywords:
small business, private entrepreneurship, innovative entrepreneurship, international 
business rating, innovation costs, exponential returns, financial resources.
Кириш. 
Глобаллашув кучайиб бораётган, замонавий билимга асосланган иқтисодиёт даврида 
миллий ва халқаро миқёсда барқарор иқтисодий ўсиш, ва рақобатбардошликни таъминлашнинг 
муҳим омили - бу янги билимлар, технологиялар, жараёнларни яратиш ва билим олиш, қобилиятни 
ривожлантиршга имконият яратиш ҳамда улардан тижорат мақсадларида самарали фойдаланиш 
асосий ўринга чиқади. Мамлакат иқтисодиётини жадал ривожлантириш, қисқа муддат ичида уни 
ривожланган мамлакатлар даражасига олиб чиқиш учун Ўзбекистон Президенти ўз 
мурожаатномасида инновациянинг аҳамиятини кўрсатиб, “... биз Ўзбекистонни ривожланган 
мамлакатга айлантиришни мақсад қилиб қўйган эканмиз, бунга фақат жадал ислоҳотлар, илм-
маърифат ва инновация билан эриша оламиз”, «Иннoвация – бу келажак дегани. Биз буюк 
келажагимизни барпo этишни бугундан бoшлайдиган бўлсак, уни айнан иннoвациoн ғoялар, 
иннoвациoн ёндашув асoсида бoшлашимиз керак», - дея таъкидлайди [1]. 

---

113 
Жаҳон амалиётида инновацион ғояларни амалга оширишда кичик бизнес ва тадбиркорлик 
алоҳида аҳамиятга эга. Бунда албатта унинг йирик корхоналарга нисбатан қатор ўзига хос 
афзалликлари алоҳида аҳамиятга эга.
Республикамизда инновацион ривожланишга тобора диққат-эътибор кучайтирилишига 
қарамай, иқтисодиётга жалб этилган инвестицияларнинг ЯИМдаги улуши 22,2 фоиздан 37,0 фоизгача 
ортгани ҳолда, инновацион харажатларнинг ЯИМдаги улуши 2010 йилдаги 3,5 фоиздан 2019 йилда 
1,2 фоиз даражасигача пасайган. Кичик бизнес ва хусусий тадбиркорликда инновацион сарф -
харажатларнинг самараси қандай? Мазкур мақолада республикамиз тадқиқотчилари томонидан кам 
эътибор берилган ана шу масалалар тадқиқ этилган.