Ўзбекистон халқаро ислом академияси

4-модда. Тарбия 
1.1.
Тарбия муросасизликнинг олдини оладиган энг самарали воситалардан 
бири ҳисобланади. Бағрикенглик руҳида тарбиялаш одамларнинг умумий 
ҳуқуқ ва эркинликлари нималарда иборат эканлигини ўқитишдан бошланади 
ва бу билан уларда ана шу ҳуқуқларнинг амалга ошишини таъминлаш ва 
бошқаларнинг ҳам шундай ҳуқуқларини ҳимоя қилишга бўлган истак 
мустаҳкамлаб боради.
1.2.
Бағрикенглик руҳида тарбиялаш масаласига кечиктириб бўлмайдиган 
зарур вазифа сифатида қаралмоғи лозим; бунинг учун бағрикенгликка 
ўқитишнинг мунтазам ва фойдали асосдаги услубини ишлаб чиқишга 
кўмаклашиш, бунда муросасизликнинг маданий, ижтимоий, иқтисодий, 
сиёсий ва диний манбаларини очиш йўли билан, улар зўравонлик ва 
бегоналаштиришнинг асосий сабаблари бўлиб чиқаётганини кўрсатиб бериш 
муҳимдир. Таълим соҳасидаги сиёсат ва дастурлар алоҳида одамлар, этник, 
ижтимоий, маданий, диний ва тил жиҳатидан алоҳида гуруҳлар, шунингдек, 
миллатлар ўртасида ўзаро тушунишни яхшилашга ўзаро ҳамжиҳатликни ва 
бағрикенгликни мустаҳкамлашга ёрдам бериши лозим.
1.3.
Бағрикенглик руҳида тарбиялаш бошқаларга нисбатан қўрқув ва 
ётсираш ҳиссини уйғотадиган таъсирларга қарши йўналтирилмоғи лозим. У 
ёшларни мутақил фикрлаш, танқидий мулоҳаза юритишга ўргатиши, уларда 
ахлоқий 
қадриятларга 
асосланган 
қарашларни 
шакллантиришга
кўмаклашиши лозим.
1.4.
Биз, бағрикенглик, инсон ҳуқуқлари ва куч ишлатмаслик руҳида 
тарбиялаш бўйича ижтимоий фанлар ва илмий изланишларнинг 
дастурларини қўллаб- қувватлаш ва ҳаётга татбиқ қилишда кўмак беришга 
тайёр эканлигимизни эълон қиламиз. Бу, педагогик тайёргарлик даражасини 
кўтариш, ўқув режалари, дасрликларнинг ва дарсларнинг мазмун-моҳияти, 

---

бошқа ўқув материаллари, жумладан янги ўқув технологиялари
масалаларига эътибор бериш зарурлигини англатади ва бундан кўзланган
мақсад эса бошқа маданиятларга очиқ ва хайрихоҳ бўлган зийрак ҳамда 
масъулиятли, эркинликнинг қадрига етадиган, инсоннинг қадр-қимматини 
ва индивидуаллигини ҳурмат қиладиган фуқароларни тарбиялаш, 
зиддиятларнинг олдини олиш ёхуд куч ишлатмаслик воситалари билан ҳал 
этиш демакдир.