Ўзбекистон алоқа ва ахборотлаштириш агентлиги тошкент ахборот технологиялари университети

 

---

79 
3.2. Риск менежментини кадрлар билан таъминланиш даражасини 
оптималлаштириш 
Бугунги кунга келиб р
искни бошқариш риск менежментини кадрлар билан 
қай даражада таминланганлигига боғлиқ бўлиб уни яхшилаш қуйидагиларга 
боғлиқ: 

Персоналга 
риск менежментидан 
таълим беришни режалаштиришга. 

Персонални бошқариш тизимларига.

Персонал билан ишлашнинг тезкор режасига. 
Персоналга риск менежментидан таълим беришни режалаштириш 
Персоналга таълим беришни режалаштириш ишловчиларнинг ўз ишлаб 
чиқариш ресурсларидан фойдаланиш, ташқи меҳнат бозоридан юқори 
малакали кадрлар изламаслик имконини беради. Бундан ташқари, бундай 
режалаштириш ходимнинг харакатчанлиги ва ўзини-ўзи бошқариши учун 
шарт-шароитлар яратиб беради. У ходимнинг ишлаб чиқаришдаги ўзгарган 
шароитга ўша иш ўрнининг ўзида мослашуви жараёнини тезлаштиради. 
Амалиётда корхона ва ташкилот персоналини ўкитиш (таълим 
бериш)нинг икки шакли мавжуд: иш ўрнида ва ундан ташкарида таълим 
бериш. Иш ўрнида таълим бериш анча арзонга тушади ва тезкорлиги билан 
ажралиб туради. У кундалик иш билан боғлиқ бўлиб, ходимларнинг таълим 
жараёнига киришини осонлаштиради, бу, айниқса, аудиторияларда таълим 
олишга ўрганмаган ходимлар учун қулайдир. 
Иш ўрнидаги таълимнинг муҳим усуллари топширикларнинг 
мураккаблаштириб борилиши усули, иш ўрнини алмаштириш, тажриба ҳосил 
қилиш, ишлаб чиқариш йўл-йўриклари бериш, ходимларнинг ассистентлар 
сифатида ишлашини йўлга қўйиш, бир қисм вазифалари ва жавобгарликни 
бошқаларга беришдир. 
Иш жойидан ташқарида таълим бериш анча самарали ҳисобланади, 
лекин у қўшимча молиявий харажатлар ва ходимни хизмат вазифаларини 
бажаришдан чалгитиш билан характерлидир. Бунда муҳит онгли равишда 
ўзгартирилади ва ходимлар кундалик ишдан ўзилиб қолади. 

---

80 
Иш жойидан ташкарида таълим беришнинг муҳим усуллари: 
маърузалар ўқилиши, ишбилармонлик ўйинлари ўтказиш, аниқ ишлаб 
чиқариш вазиятларини таҳлил қилиш, конференция ва семинарлар ўтказиш, 
тажриба алмашиш гуруҳлари ҳамда сифат тўгаракларини ташкил қилишдан 
иборат.