Ўзбекистон алоқа ва ахборотлаштириш агентлиги тошкент ахборот технологиялари университети м. С. Сапаев У. Т. Алиев

9.2. Кучланиш ўзгартиргичи
Кучланиш ўзгартиргичи қуйидаги қисмлардан ташкил топган (9.3−расм).

• 
  қувват кучайтиргичи;
  
• 
  инвертор;
  
• 
  юқори частотали трансформатор.
  

У ТКТ тўғрилагичи чиқишидаги ±310 В кучланишли ўзгармас ток энергиясини бошқариш схемасидан (БС) келадиган сигналларга боғлиқ равишда ўз чиқишида 12…15 В ва 5…7 В кучланишли тўғри бурчакли импульслар шаклидаги ўзгарувчан ток энергиясига ўзгартириб беради. Ўзгартиргичнинг ишлаши вақтнинг исталган моментида бошқариш схемасидан келадиган сигналга боғлиқ бўлади.
Қувват кучайтиргичи инвертор куч транзисторларини коммутацияланишини бошқарилишини, яъни транзисторларни очадиган ва ёпадиган база токларини шакллантиришни, шунингдек, инвертор транзисторларининг база-эмиттер ва база-коллектор занжирларини бошқариш схемасидан ажратишни таъминлайди. Ўзгартиргич инвертори асосан икки тактли ёки ярим кўприксимон схемаларда йиғилади. Схема транзисторлари навбатма-навбат очилади ва ёпилади. Юқори частотали трансформаторнинг иккиламчи чўлғамларидан тўғри бурчакли пасайтирилган кучланиш импульслари чиқиш тўғрилагичларига берилади.


9.3. Чиқиш занжири

Чиқиш занжири қуйидаги қисмлардан ташкил топган (9.4−расм).

• 
  чиқиш кучланишлари тўғрилагичлари;
  

• 
  чиқиш каналлари фильтрлари;
  

• 
  интеграл стабилизаторлар.
  

9.3-расм. Кучланиш ўзгартиргичининг схемаси.

9.4-расм. Чиқиш занжири схемаси.

Чиқиш занжири тўртта каналга эга бўлиб, юқори аниқ каналлар -12В ва -5В кучланишли, кам аниқ каналлар эса +12В ва +5В кучланишли каналлар ҳисобланади. Юқори аниқ каналларда чиқиш кучланишини стабиллаш учун кенглик-импульсли модуляциядан ташқари кучланишни чизиқли стабиллаш қўлланилади. Бунда бу каналлар чиқишларига чизиқли интеграл стабилизаторлар қўйилади (LM7912, LM7905 ёки KP142EH8Б, KP142EH5B). Коммутациялаш жараёнидаги динамик исрофларни камайтириш учун юқори аниқ 12 ва 5В каналларда қайта тикланиш вақти кам бўлган Шоттки диодлари қўлланилади.