Ўзбекистон алоқа ва ахборотлаштириш агентлиги тошкент ахборот технологиялари университети м. С. Сапаев У. Т. Алиев

Резонансли фильтрлар. Резонансли фильтрлар тўғриланган кучланиш пульсациясининг асосий гармоникасига резонансга созланган L_KC_K контурдан иборат. Тебраниш контури кетма-кет, параллел бўлиши мумкин, унинг параметрлари шундай танланадики, асосий гармоника учун контурнинг эквивалент қаршилиги жуда катта ва тўғриланган кучланишнинг ўзгарувчан ташкил этувчиси деярли тўлиқ ҳолда контурда тушади. Паралелл контурли фильтр схемаси 5.27-расмда келтирилган.

5.27-расм. Параллел контурли резонансли фильтрнинг принципиал схемаси

Бунда контур пульсацияларининг асосий ƒ_п частотаси резонансга созланади, яъни

2p ƒ_П =w_к , (5.52)

ва бу частотада кучланишнинг ўзгарувчан ташкил этувчисига актив эквивалент қаршилик кўрсатади.

R_экв = L_к /(C_к ·R_к) , (5.53)

бу ерда R_K – контурнинг (дроссель чўлғамининг) актив қаршилиги.

Бундай фильтрнинг силлиқлаш коэффициенти қуйидагига тенг бўлади:

К_С » m·w·C/R_экв=mω_cC1L/r_дрС_к , (5.54)

Бу фильтр резонанс частота пульсацияларини яхши силлиқлайди, қолганларини эса (асосан паст частотали) юкламага ўтказиб юборади. Бундай фильтр юқори частотали занжирларда резонанс частотада ҳалақитларни сўндириш учун ишлатилади.

Кетма-кет резонанс контурли фильтр (5.28-расм) ҳам асосий гармоника пульсация гармоникасига резонансга созланади. У учун резонанс шарти L_к=1/(m·w_С)²·C_к бўлади. Унинг силлиқлаш коэффициенти қуйидагига тенг бўлади:
К_С »m·w_С ·L_к/R_к, (5.55)
Бунда R_к резонанс частота токнинг ташкил этувчилари учун R_к қаршилик С₁ конденсатор қаршилигидан анча кичик бўлади.

5.28-расм. Кетма-кет резонанс контурли фильтрнинг принципиал схемаси

Бундай фильтр резонанс частотали ва С₁ конденсаторнинг қаршилиги кичик бўладиган юқорироқ частотали пульсацияларни яхши силлиқлайди. Резонанс фильтрларнинг камчиликлари шундан иборатки, улар фақат резонанс частотали ташкил этувчини яхши силлиқлайди, бошқа частоталардаги қолган ташкил этувчилар ёмон силлиқланади. Бундан ташқари уларнинг силлиқлаш коэффициентлари юклама токига боғлиқ бўлади.