Ўзбекистон алоқа ва ахборотлаштириш агентлиги тошкент ахборот технологиялари университети

Бир даражали тармоқ. Бундай тармоқда ишчи станциялар ўзаро таъсирини бошқаришнинг ягона маркази йўқ ва маълумотларни сақлаш учун ягона қурилма мавжуд эмас.
Тармоқ операцион тизими барча ишчи станциялар бўйича тарқалган. Ҳар бир тармоқ станцияси ҳам мижоз, ҳам сервер вазифасини бажариши мумкин. У бошқа ишчи станцияларидан олинган сўровларга хизмат кўрсатиши ва ўз сўровларини тармоқка жўнатиши мумкин. Бир даражали тармоқнинг афзаллиги: нархи apзoн ва ўта ишончли.
Бир даражали тармоқнинг камчилиги:

• 
  Тармоқ иш самарадорлигининг станциялар сонига боғлиқлиги:
  
• 
  тармоқни бошқариш мураккаблиги;
  
• 
  ахборотни химоялаш қийинлиги;
  
• 
  станциялар дастурий таъминотини янгилаш ва ўзгартиришнинг қийинлиги.
  

Бу хилдаги тармоқлар LAN tastic. NetWare Lite тармоқ операцион тизим базасида кенг қўлланилади.
Ажратилган серверли тармоқ. Ажратилган серверли тармоқда компьютерлардан бири барча ишчи станциялар учун мўлжалланган маълумотларни сақлаш, ишчи станциялар ўртасидаги ўзаро алоқани бошқариш ва бошқа бир қатор вазифаларни бажаради. Бундай компьютер одатда тармоқ сервери деб юритилади. Унга тармоқ операцион тизими ўрнатилади, яна унга барча тақсимланадиган ташқи қурилма -қаттиқ дисклар, принтерлар ва модемлар уланади.
Ишчи станциялар ўртасидаги ўзаро таъсир одатда сервер орқали амалга оширилади. Марказий қурилма ролини сервер бажаради. Марказлаштирилган бошқарув тармоқларида ишчи станциялар ўртасида ахборот алмашув имконияти мавжуд. Бунинг учун Netlink дастуридан фойдаланиш мумкин.
Ажратилган серверли тармоқнинг афзаллиги:

• 
  Ахборотни химоялашнинг ишончли тизими;
  
• 
  Тезкор ҳаракат:
  
• 
  Ишчи станциялар сонининг чекланмаслиги;
  
• 
  Биринчи даражали тармоқка нисбатан бошқарувнинг оддийлиги.
  

Ажратилган серверли тармоқнинг камчилиги:

• 
  Сервер учун битта компьютер ажратилиши туфайли нархининг қимматлиги:
  
• 
  Бир даражали (ранг) тармоқка нисбатан кам мослашувчанлиги.
  

Ажратилган серверли тармоқлар нисбатан кенг тарқалган компьютер тармоғи ҳисобланади.


Локал ҳисоблаш тармоғининг acocий топологияси


ЛҲТ таркибига кирувчи ҳисоблаш машиналари ҳисоблаш тармоғи ташкил этиладиган худудда энг тасодифий холатда жойлашиши мумкин.