Zbekistan Respublikasining birinchi Prezidenti Islom Karimov

1.1.1.SAN’AT MAKTABINING TOMOShALAR ZALI

San’at maktabining tomosha zali tuzilishi va funksiyasi jihatidan kinoteatr, teatr, klub va madaniyat uylarining tomosha zallariga aynan to’g’ri keladi. Shuning uchun San’at maktabining tomosha zalini loyilashda kinoteatr, teatr, klub va madaniyat uylarining tomosha zallari hamda muassasa va turli tashkilotlar ma’muriy binolari faollar zali, kutubxona, muzeylar ma’ruza zallari meyorlaridan, strukturaviy va konstruktiv tuzilishidan andoza olsa bo’ladi. Bunday jamoat binolari mamlakatimizning xohlagan go’shasida, shahar va posyolkalarida qurilgan.

Madaniyat uylari va saroylari ham qishloq va shaharlardagi fuqarolarning ishdan bo’sh paytlari ma’naviy dam olishi, ma’rifiy, ijodiy faoliyati uchun xizmat qilgan. Ularning tarkibiga xuddi hozirgi San’at maktabining turli tugaraklar, klublar uchun zallar, maxsus xonalar kiritilgan. Madaniyat uylari va saroylari qishloq yoki shaharning markaziy qismlariga, aholi zich joylashgan joylariga, mahalla guzarlari, tuman markazlariga, ma’muriy binolar bilan bir qatorda joylashtirilgan. Ammo ijod bilan, aqliy mehnat bilan shug’ullanadigan kishilar ishlaydigan binolar nisbatan shovqinsiz, turli salbiy ta’sirlardan ihotalangan bo’lgani yaxshi. Ya’ni bino daraxt va butalar bilan o’rab olingani, shovqinli bino inshootlardan uzoqroq joylashgani ma’qul San’at maktabining loyihalashda ushbu tavsiyalarga amal qilinsa maqsadga muvofiq bo’ladi.

Bugungi kunga kelib televideniye, kompyuter, audio-video texnikalari rivojlanib ketgani bois, qurilgan katta-katta kinoteatrlar bo’shab qoldi, ular qayta ta’mirlanib, funksional jihatdan o’xshash boshqa binolarga aylantirildi yoki umuman buzib tashlanib, o’rniga boshqa, bugungi kunning talablaridan kelib chiqib savdo, servis binolari qurilmoqda.

Teatrlar — eng qadimiy jamoat binolari bo’lib, antik ochiq teatrlar, uyg’onish davrida paydo bo’lgan chuqur sahnali teatrlar, xalq teatrlarining turli shakllari zamonaviy spektakllarni ko’rsatish uchun manba bo’lib xizmat qilgan.

Zalning to’rida joylashganligi sababli, odatda, bunday sahna chuqur sahna deb yuritiladi.

Teatr binosi xonalari quyidagi komplekslarga taqsimlanadi:

• 
  tomoshabin kompleksi;
  
• 
  namoyish kompleksi (tomosha zali);
  
• 
  sahna kompleksi;
  
• 
  ishlab chiqarish xonalari va rezerv omborlar.