Ўзбекистан республикаси соғликни саклаш вазирлиги тошкент тиббиёт академияси кафедра: умумий ва радиацион гигиена

ЎЗБЕКИСТАН РЕСПУБЛИКАСИ СОҒЛИКНИ САКЛАШ ВАЗИРЛИГИ
ТОШКЕНТ ТИББИЁТ АКАДЕМИЯСИ
Кафедра: УМУМИЙ ВА РАДИАЦИОН ГИГИЕНА
Предмет: Радиацион гигиена


МАВЗУ: «АТРОФ МУХИТНИ РАДИОАКТИВ ИФЛОСЛАНИШДАН МУХОФАЗА ҚИЛИШ МУАММОЛАРИ. »
6-Маъруза матни
Тузувчилар:
Профессор Пономарева Л.А.
Доцент Абдукадирова Л.К.
Тошкент –2007й.

Маъруза 6


1.Мавзу: АТРОФ МУХИТНИ РАДИОАКТИВ ИФЛОСЛАНИШДАН МУХОФАЗА ҚИЛИШ МУАММОЛАРИ


2. 5- курс тиббий профилактика факультети талабалари учун
3. Маърузанинг максади: Талабаларга атроф мухитни радиоактив моддалар билан ифлосланиш муаммолари ва уларни олдини олиш чоралари хакида маълумот бериш.
4. Маърузанинг режаси.
4.1.Атроф муҳитни радиоактив ифлословчи манбалар. – 30 дакика
4.2. Радиоактив чиқиндиларга таъриф. - 20 дакика
4.3. Атроф мухитни радиоактив ифлосланишдан мухофаза қилиш бўйича бўлган
адбирлар тизими. – 40 дакика


5. Маъруханинг мазмуни


5.1.Атроф муҳитни радиоактив ифлословчи манбалар.
Атроф мухитнинг радиоактив ифлосланиши хозирги кунда жиддий муаммо бўлиб, у РМ дан фойдаланиш доираси кун сайин ортиб бораётганлиги билан боғлиқдир.
Атроф муҳитни радиоактив моддалар билан ифлосланиши учун ядровий қуролларнинг қолдиқлари, айрим давлатлар томонидан маҳаллий харбий можороларда қўлланаётган замонавий айрим қурол турларидаги камроқ бойитилган урандан фойдаланиш, ҳамда ядровий объектларда рўй берадиган авария оқибатлари бўлиши мумкин.
Локал радиоактив ифлосланиш кўпинча катта қувватга эга бўлмаган радиологик объектларнинг фаолияти билан боғлиқдир.
Атроф муҳитни радиацион ифлосланишига ҳавф туғдирувчи радиологик объектларни шартли равишда 2 гуруҳга бўлиш мумкин:
1.Технологияси бўйича очиқ ИНМ ни газ, эритма, қаттиқ, кукунсимон ҳолда қўллайдиган корхоналар ва муассасалар. Бундай объектлар қаторига биринчи навбатда атом саноати корхоналари, ҳамда тиббиётда очиқ ИНМ дан фойдаланишни киритиш мумкин.
2.Технологик жараёнга боғлиқ ҳолда, биз учун номақбул ёки муқаррар ҳосил бўладиган очиқ радиоактив моддаларни чиқарувчи объектлар. Масалан, ер ости қазилма бойликларини қазиб олиш ва уларни қайта ишлаш корхоналарида, ишлаб чиқариш муҳитида муқаррар хосил бўладиган омил радон хисобланса, АЭС да иссиқлик ажратувчи элементларни (ТВЭЛ) совутиш жараёнида сувнинг нейтронларни ўзига бириктириб олишидан сунъий радиоактивланиб қолиши оқибатида юзага келади.