Ӛзбекистан Республикасы жоқары ҳәм орта арнаўлы билим министрлиги Қарақалпақ мәмлекетлик университети

 
30-тема. Органикалық емес байланыстырыўшылар тийкарындағы бояўлар 
 
Таяныш сөзлер:
 
цементли бояўлар, силикатлы бояўлар, казеинли бояўлар, ыссылық 
нулары,керамикалық микросфералы бояўлар, суў-дисперсиялы латекслер, порошок 
толтырғыш, пасталы бояўлар, арнаўлы пистолет. 
 
Жоба: 
30.1 Цементли, ҳәкли ҳәм силикатлы бояўлар 
30.2 Порошок бояўлар 
30.3 Суў-дисперсиялы бояўлар (латекслер) 
30.1. Цементли, ҳәкли ҳәм силикатлы бояўлар 
Цементли бояўлар
ақ ҳәм реӊли цементлер тийкарында таярланады. Олардыӊ суў 
услаўшылық қәсийетлерин жақсылаў мақсетинде қурамына ҳәк-пушонкасы, калций хлорид, 
полимерлер ҳәм басқалар қосылады. Цементли бояўлар имаратлардың сыртқы тәрепинен 
ҳәм ығаллылық жоқары болмаған бӛлмелерин ишки тәрептен бетон ҳәм сыбаў бетлерин 
безеў ушын ислетиледи. 
сӛндирилген ҳәк байланыстырыўшысы тийкарында алынады. Олардыӊ суў 
услаўшылық қәсийетин асырыў ушын қурамына калций хлорид, ас дузы, арнаўлы 
полимерлер киритиў керек. Ҳәкли бояўлардың атмосфера орталығына шыдамлылығы 
жоқары емес. 
Силикатлы бояўлар 
суйық шийша қурамында пигментлер ҳәм актив минерал дисперс 
порошоклардың (трепел, опока, диатомит ҳәм т.б.) суспензиясы болып, суў орталығына 
шыдамлы есапланады. Силикатлы бояўлар менен имарат фасадлары безетиледи, ығаллылық 
жоқары болатуғын бӛлмелер ҳәмде жаныўдан сақлаў мақсетинде ағаш конструкциялар 
қорғалады. 
Желимли бояўлар 
ҳайўан ямаса ӛсимлик желимлериниӊ суўдағы еритпесинде 
пигментлер ҳәм пор порошогы араласпасынан қуралған. Олар жоқары ығаллылыққа 
шыдамлы болмағаны ушын қурғақ ишки бӛлмелер сыбаўлы бетлерин қаплаўда ислетиледи. 
Казеинли бояўлар 
казеин, пигмент, пор, ҳәк ҳәм 
бура
араласпасын қурылыс 
майданында қайнаған суўда еритип алынады. Бояў қурамына киритилген ҳәк оныӊ суўға ҳәм 
атмосфера орталығына шыдамлылығын асырады.