Ózbekistan respublikasí joqarí HÁm orta arnawlí bilimlendiriw ministrligi

Dizel janılǵılarınıń túrleri hám isletiliwi.

Tez júretuǵın dizel dvigatelleri ushın janılǵılar 305–82-sanlı «Dizel janılǵıları. Texnik shártler» atlı standart tiykarında islep shıǵarıladı. Avtomobillerde, is shárayatına kóre, úsh túrdegi dizel janılǵılarınan: Л (jazǵı), З (qısqı) hám A (arktik) islep shıǵarıladı (3.1-keste). Barlıq túrdegi dizel janılǵılarına belgilengen tártipte hám muǵdarda qosımshlar qosıwǵa ruxsat etiledi.

Dizel janılǵısınıń barlıq komponentleri joqarı turǵınlıqqa

iye bolǵanlıǵı sebepli olardı uzaq múddet (5 jıl hám onnan artıq)

saqlaw múmkin. Л markalı janılǵı sırtqı ortalıq temperaturası 0°C hám

onnan joqarı bolǵanında isletiw ushın mólsherlengen, З markalı janılǵı minus 20°C hám onnan pás temperatura (suwıq tábiiy hawa rayı

aymaqların)da, A markalı janılǵı ese minus 50°C hám onnan pás temperaturalı aymaqlarda isletiwge mólsherlengen.

Dizel janılǵıları quramındaǵı altınkúkirt muǵdarına qarap eki kishi toparǵa bólinedi. Birinshi kishi toparǵa kiretuǵın janılǵılar quramındaǵı altınkúkirt muǵdarı 0,2 payızdan aspaydı, ekinshi kishi toparǵa kiriwshi Л hám З markadaǵı janılǵılar quramındaǵı altınkúkirt muǵdarı 0,21–0,50 payızdan, A markadaǵı janılǵılarda ese 0,21–0,40 payızdan artpaslıǵı lazım. Dizel janılǵıları tómendegishe markalanadı: Л–0,2–40. Bunda Л jazǵı janılǵı ekenligin; 0,2 sanı janılǵı quramındaǵı altınkúkirt muǵdarın (payız esabında), 40 sanı janılǵınıń ot alıw temperaturası (°C)tı bildiredi. Qısqı janılǵılarda ese janılǵınıń qatıw temperaturası kórsetiledi. Máselen, З–0,2–(–35) markalı janılǵıda minus 35 sanı janılǵınıń qatıw temperaturası (0°C)tı kórsetedi. Arktik dizel janılǵıları markasında ese tek ǵana altınkúkirttiń muǵdarı (%) keltiriledi, máselen, A–0,4.

3.1-keste