Ózbekistan respublikasí joqarí HÁm orta arnawlí bilimlendiriw ministrligi

Dexristianlastırıw. Jańa kalendar`. 1793-jıldıń oktyabrinde Konvent “Revolyuciyalıq kalendardı” engizdi. Jańa dáwirdiń baslanıwı dep, 1792-jıldıń 22-sentyabri (Respublika ornatılǵan birinshi kún) járiyalandı. Bul 12 jıl dawam etti.

1793-jıldıń oktyabrinde húkimet shirkew aymaǵınan tısqarıda barlıq diniy máresimlerdi qadaǵan etti, matam máresimlerine dún`yalıq negiz engizdi. Qábiristanlardıń kiriw esigine “Ólim bul-máńgilik uyqı” degen jazıw qoyılıwı buyırıldı. Keyin Konvent hár bir kommuna katolik máresimlerine boysınıwdan waz keshiw huqıqına iye ekenligi haqqında qarar qabıl ettildi. Usı waqıttan baslap dexristianlastırıw processi tezlesip ketti. 1793-jıldıń noyabrinde Parijdegi barlıq dinlerdiń shirkew hám ibadatxanaların jabıw haqqında Parij kommunası qarar shıǵardı. Shirkew ámelde mámleketten ajıratılǵan edi.