Ózbekistan respublikasí joqarí HÁm orta arnawlí bilimlendiriw ministrligi

1792-jıl 10-avgusttaǵı qozǵalań. Monarxiyanıń awdarılıwı. Awır áskeriy jaǵday xalıqta korol hám baylar satqınlıq etkenligi haqqında pikirdi tuwdırdı. 10-avgustta Milliy gvardiya hám kewilliler batal`onları jıynala basladı. 20 mıńǵa jaqın kewilliler korol sarayın qorshap aldı. Korol shańaraǵı menen Tyuil`ridı tárk etti hám Nızam shıǵarıwshı Májlis binasına jasırındı.

Bul waqıtta bolsa saraydı shturm qılıw dawam etetuǵın edi. Sawash qısqa, biraq qanlı boldı. jeńiske erisken xalıq wákilleri, Milliy keńesti koroldı hákimiyattan mahrum etiw hám jańa joqarǵı húkimet organı – Milliy konvent (keńes) shaqırıw haqqında qarar qabıl etiwge májbúr boldı. Lyudovik XVI qolǵa alındı hám Templ qamaqxanasına jaylastırıldı. Monarxiya awdarıp taslandı hám revolyuciyanıń jańa dáwiri baslandı.