Ózbekistan respublikasí joqarí HÁm orta arnawlí bilimlendiriw ministrligi

Yakobinshiler ortasındaǵı bóliniw. Yakobinshiler ortasında xalıqtıń túrli qatlamları birlesti. Bul awqam sırtqı dushpanlarǵa hám ishki qozǵalańlarǵa qarsı birge gúresiw zárúrligi sebepli saqlanıp turar edi. Fronttaǵı jeńislerden hám qozǵalańlardan soń antirevolyuciyalıq qáwip kemeydi há m dárhal yakobinshiler ortasında kelispewshilik baslanıp ketti. Xalıqtıń tómengi qatlamları revolyuciyanı ele de tereńlestiriwdi talap eter edi. Burjuaziyaǵa hátte, revolyuciyalıq burjuaziyaǵa da bunıń keregi joq edi. Endi yakobinshiler “sanklyulot demokratiyası”n bastıra basladı.

Eber

1793-jılı 5-sentyabrde Jak Ru yakobinshiler klubına kelip,

jeke múlkke qarsı náwbettegi sóz menen shıqtı hám “talawshılıq”qa shaqırıp atırǵan “gumanlı” shaxs sıpatında qamaqqa alındı. Qamaqxanada Ru ózin ózi óltirdi. 1794-jılı Eber hám Shomet hám olardıń tárepdarları qamaqqa alındı hám óltirildi. Tiykarǵı yakobinshiler óltirilgennen hám Parij kommunası ázzilegennen soń, Robesp`er basshılıǵında jámiyet qutqarıw komiteti Konvent lideri Danton bolǵan “juwaslar” yaǵnıy “miyrimliler” dep atalǵan topardıń tásiri ósip ketiwinen qáweterge tústi. 1793-jıldıń gúzinen baslap Danton hám onıń tárepdarları revolyuciyalıq diktaturanı toqtatıw, Konstituciyalıq tártipke qaytıwdı, terror siyasatınan waz keshiwdi hám usı sıyaqlılardı talap ete basladı. Ámelde bul demokratiya ornatıwǵa, huqıqıy mámleket dúziwge umtılıw edi.

Robesp`er hám onıń tárepdarları “miyrimliler”di joq etiwge qarar etti. 30-martqa óter túnde qáweterli xabar tarqaldı. Azanda Danton hám onıń tárepdarları qamaqqa alınǵanlıǵı belgili boldı. Dantondı qamaqta da qáwipli dep esaplap, húkimdi tezlestirdi. Ol barlıq partiyadaǵılar ishinen jaqsı niyetlilerdi jıynap kúshli birden-bir partiya dúziw kerek dep esapladı. Sudta onıń sózi isenimli hám haqıyqatshıl shıqtı. Dantonnıń sońǵı sózleri jalladqa qarata aytılǵan bolıp «Meniń basımdı xalıqqa kórset , ol soǵan arzıydı» degen edi