«Ўзбекинвест»

VII. ШАРТНОМАНИ АМАЛ ҚИЛИШ МУДДАТИ
ВА БЕКОР ҚИЛИШ ТАРТИБИ

7.1. Ушбу Суғурта шартномаси уни томонлар имзолаган пайтдан бошлаб кучга киради ва Шартнома томонлар имзолаган муддатдан кучга киради ва _________________гача амалда бўлади.

7.2. Ушбу шартнома қуйидаги ҳолатларда тугатилади:
а) Суғурта қилдирувчи томонидан суғурта мукофоти шартномада кўрсатилган муддат (30 (ўттиз) кун ичида) ва миқдорда тўланмаганда;
б) Суғурта қилдирувчи юридик ташкилот тугатилганда;
в) амал қилиши муддати тугаганда;
г) ушбу шартнома суд қарорига кўра қонуний кучга эга эмас деб тан олинса;
д) Суғурталовчи Суғурта қилдирувчи олдидаги мажбуриятларни тўлиқ ҳажмда бажарганда;
е) қонунчилик ҳужжатларида келтирилган бошқа ҳолатларда.
7.3. Суғурта шартномаси муддатидан аввал томонлардан бирининг ёзма аризасига биноан бу ҳақда бекор қилиш мўлжалланган санага қадар 30 (ўттиз) кундан кечиктирмасдан хабар қилиниши шарти билан бекор қилиниши мумкин.
7.4. Ушбу шартнома муддатидан аввал бекор қилинганда суғурта мукофоти суғурта муддатининг қолган даври учун Суғурталовчининг сарф-харажатлари 35 фоиз миқдорида тўланган суғурта товонларини чегириб қолган ҳолда қайтарилади.
7.5. Агар Суғурталовчининг ушбу шартномани муддатидан аввал бекор қилиш талаби, Суғурта қилдирувчининг ўз мажбуриятларини бажармаганлиги билан сабабли бўлса, у ҳолда тўланган суғурта бадали қайтариб берилмайди.

8. 
   СУБРОГАЦИЯ
   

8.1. Агар Суғурталовчи томонидан Суғурта қилдирувчига суғурта товони тўлаб берилса, тўланган товон миқдорида етказилган шикаст ва зарарлар учун жавобгар шахсга нисбатан қопланган зарар миқдорида даъво қилиш ҳуқуқи Суғурталовчига ўтади.

8.2. Суғурта қилдирувчи Суғурталовчига унга ўтган даъво қилиш ҳуқуқини амалга ошириши учун зарур бўлган барча тегишли ҳужжат ва далилларни тақдим этиши ва маълумотларни етказиши шарт.
8.3. Агар Суғурта қилдирувчи ёки унинг вакили, жавобгар шахсга нисбатан ўзининг даъво қилиш ҳуқуқидан воз кечса ёки унинг айби билан Суғурталовчининг даъво қилиш ҳуқуқидан фойдаланиш имкони йўқотилса ёхуд етказилган зарар айбдор томондан қопланган бўлса, Суғурталовчи суғурта ҳодисаси бўйича Суғурта қилдирувчидан тўланган суғурта товонини қайтариш ёки суғурта товонини тўламаслик ҳуқуқига эга.
8.4. Агар Суғурта қилдирувчи етказилган шикаст ва зарарлар учун учинчи шахслардан товон пулини олган тақдирда, Суғурталовчи ушбу шартнома шартларига кўра тўланиши лозим бўлган суғурта товонининг учинчи шахслардан пул кўринишида ёки мол-мулк қийматида олинган сумманинг ўртадаги фарқини қоплаб беради.
IX. ФОРС-МАЖОР

9.1. Агар Томонлар ушбу шартнома бўйича ўз мажбуриятларини бажара олмасликлари енгиб бўлмас куч (форс-мажор) шарт-шароити сабабли юзага келса, улар жавобгарликдан озод бўладилар. Енгиб бўлмас куч таъсирида бўлган томон бошқа томонни бундай шарт-шароит юзага келганлиги ва тахминан қанча давом этиши мумкинлиги тўғрисида бир-бирларини дарҳол хабардор қилишлари шарт. Бунда Томонлар ушбу шартноманинг бажарилган ва бажарилмаган қисмлари юзасидан ўрнатилган тартибда якуний ҳисоб-китобни амалга оширадилар.