Ўзбек тили ва адабиёти кафедраси шахсий режалари

Fanning o’quv rejadagi boshqa fanlar bilan o’zaro bog’liqligi va
uslubiy jihatdan uzviyligi
“Matnshunoslik” fani asosiy ixtisoslik fanlardan biri hisoblanib, Filologiya va tillarni o’qitish (o’zbek filologiyasi) yo’nalishi bo’yicha 6-semestrda o’qitiladi. Ushbu fan dasturi “Til tarixi”, “O’zbek xalq og’zaki ijodi”, “O’zbek mumtoz va milliy uyg’onish adabiyoti” kabi umumkasbiy fanlar bilan uzviy bog’langan bo’lib, ushbu fanlarda aks etgan ayrim adabiy-nazariy masalalarni qamrab olishi jihatidan uyg’unlik kasb etadi.


Fanning ishlab chiqarishdagi o’rni
Oliy o’quv yurtlarida filologik ta’limni yo’lga qo’yishda ushbu fan muhim ahamiyat kasb etadi. Qadimgi adabiy manbalarni qo’lyozma va toshbosma nusxalar asosida nashr etish, ularning mukammal ilmiy izohlar,ko’rsatkichlar bilan ta’minlangan tanqidiy matnlarini tayyorlash, fondlarda mavjud qo’lyozma va toshbosma matnlarni tadqiq etish bilan bevosita filolog mutaxassislar shug’ullanadi. Shu sababli ushbu fan ixtisoslik fanlaridan biri hisoblanib, o’zbek tili va adabiyot fanining ajralmas bo’lagidir.


Fanni o’qitishda foydalaniladigan zamonaviy axborot va
pedagogik texnologiyalar
Talabalarning “Matnshunoslik” fanini o’rganishlari uchun o’qitishning ilg’or va zamonaviy usullaridan foydalanish, yangi pedagogik texnologiyalarni tatbiq qilish muhim ahamiyatga egadir. Fanni o’qitishda pedagogik texnologiyalar hamda “Aqliy hujum”, “Munozara” kabi, shuningdek, mavzuning xususiyatidan kelib chiqqan holda boshqa interfaol usullardan foydalanish tavsiya etiladi.


Asosiy qism
Fanning nazariy mashg’ulotlari mazmuni
O’zbek matnshunosligi tarixi va uning xorijiy
matnshunoslikdan farqli jihatlari
O’zbek matnshunosligi tarixi va uning o’ziga xos jihatlari. Jahon matnshunosligi tajribalari. P.Shamsiev, H.Sulaymon, I.Sulton ilmiy tadqiqotlarida matnshunoslikka oid qarashlar. Rus matnshunoslaridan D.S.Lixachev, B.V.Tomashevskiyning ilmiy qarashlari.