Ўзбек тили байрами куни”ни кенг нишонлаш мақсадида “Ранглар жилосида она тилим

III. Кўрик танловни ташкил этиш ва ўтказиш тартиби
6. Кўрик-танлов онлайн тарзда икки босқичда ташкил этилади. Тасвирлаш услуби, яъни жамиятдаги нарса ва ҳодисаларни кузатиш, кўриш, уларни идрок этиш орқали нарса ва воқеа-ҳодисаларнинг тасвирини ярата олиш иқтидорини намоён этувчи нафис санъат рангтасвир йўналиши, Она тилини мадҳ этувчи шеърият йўналиши бўйича ўтказилади.
Ўтказилиши тартиби ва муддати қуйидагича:
1-босқич-туман (шаҳар) босқичи 6-14 октябрь кунлари;
2-босқич-вилоят босқичи 15-20 октябрь кунлари.
7. Кўрик-танлов жараёнида тақдим этилган ижодий ишлар намуналари Мактабгача таълим бошқармасининг расмий веб-сайти ва ижтимоий тармоқлардаги саҳифаларида ёритиб борилади.
8. Кўрик-танлов қуйидаги мавзулар бўйича ўтказилади:
“Ранглар жилосида она тилим” (рангтасвир);
“Она тилим – жону дилим” мавзусида (шеър).
IV. Кўрик-танловда иштирок этиш
9. Кўрик-танловнинг биринчи босқичида мактабгача таълим ташкилотларининг барча (иқтидорли) тарбияланувчилари иштирок этиши мумкин.
10. Кўрик-танлов 3-6 ёшли болалар ўртасида ўтказилади.
11. Кўрик-танловнинг биринчи босқичида мактабгача таълим ташкилотлари раҳбарлари иштирокчи (тарбияланувчи)лар томонидан 6 октябрдан бошлаб, 14 октябрга қадар чизилган расмлар ва чизиш жараёнларининг асосий қисмлари бўйича қисқача (3 дақиқали) видеолавҳаларини тайёрлаб, туман (шаҳар) мактабгача таълим бўлимларининг ишчи гуруҳига тақдим этилади.
12. Кўрик-танловнинг биринчи босқичида мактабгача таълим ташкилотлари раҳбарлари иштирокчи (тарбияланувчи)лар томонидан 6 октябрдан бошлаб, 14 октябрга қадар “Она тилим”, “Она тилим – жону дилим” каби мавзуларда ёд олган шеърларини қисқача (3 дақиқали) видеолавҳаларини тайёрлаб, туман (шаҳар) мактабгача таълим бўлимларининг ишчи гуруҳига тақдим этилади.
13. 12-14 октябрь кунлари ишчи гуруҳ томонидан барча ижодий ишлар ва видеолавҳалар кўриб чиқилади ва таҳлил қилиниб, баҳоланади.
Ғолиб деб топилган 3 нафар иштирокчининг ижодий иш намуналари ва видеолавҳалари ҳамда улар тўғрисидаги маълумотлар 15 октябрь куни Мактабгача таълим бошқармасининг ишчи гуруҳига юборилади.
14. Кўрик-танловнинг иккинчи вилоят босқичида туман (шаҳар) мактабгача таълим бўлимлари томонидан тақдим этилган ижодий иш намуналари ҳамда видеолавҳалар жорий йилнинг 15-20 октябрь кунлари кўриб чиқилади, таҳлил қилиниб, баҳоланади ва ғолиб иштирокчилар аниқланади.