Ўзбек тили, адабиёти ва фольклори институти ҳузуридаги илмий даражалар берувчи dsc

Ўйин жараёнига оид объектлар. Масалан:

– Ойи, ойи, қаранг, тракторимнинг уйқуси келган, шекилли, оёғини кўтариб ухламоқчи. ( Жонибек, 4 ёш)

2. 
   Табиатга оид объектлар. Масалан:
   

– Ойи, қўлимнинг ярасини қуёш кўряптими, уни тузата оладими?
– Йўқ, тузата олмайди.

• 
  Узоқдалиги учун, балки, кўрмаётгандир. Уйга бориб қўлимга каттакон қуёшнинг расмини чизаман. Шунда ўзини кўради ва ярамни тузатади. (Насриддин, 4,5-5 ёш)
  

3. 
   Инсон аъзолари ва руҳиятига оид объектлар. Масалан:
   

• 
  Мазам қочди, – дер бобо,
  
• 
  Қаёққа? – дер невара.
  
• 
  Узоққа кетди, оббо,
  

Бўлма, болам, овора.

• 
  Қочган бўлса мазангиз,
  

Топиб келар юрагим.
Бобожоним, қарангиз,
Бўлди, ахир, керагим. (С.Аҳмад. Мадад)

4. 
   Истеъмол қилинадиган маҳсулотларга оид объектлар. Масалан:
   

Пиёлага солиб қанд,
Она қайноқ чой қуйди.

• 
  Эҳтиёт бўлгин! – дея
  

Жажжи қизига қўйди.
Лола қараб чойига
Хархаша бошлаб деди:

• 
  Ичмайман чойни, ойи,
  

Қандингизни чой еди. (Э.Рўзиматов. Қанд)
Хуллас, образли тафаккур маҳсули сифатида болалар нутқида қўлланадиган жонлантириш ҳам болаларнинг оламни билишида, уни ўз дунёқараши билан баҳолашида муҳим восита вазифасини ўтайди.
Тадқиқотнинг “Болалар образли тафаккурининг лингвокреатив имкониятлари ва баҳо муносабати” деб номланган учинчи бобида болалардаги образли тафаккур орқали юзага келган сўз ва матн ижодкорлиги, сўроқ акти ҳамда болаларнинг турли воқеа-ҳодисаларга баҳо муносабати хусусида фикр юритилади.
Бобнинг биринчи фасли “Болалар нутқида сўз ва матн ижодкорлиги” деб номланиб, унда болалар ҳаётининг 2–4 ёш оралиғида сўз ижод қилиш жараёни фаоллашиши, бу ёшгача улар катталарнинг талаффузига тақлид қилиш орқали фикр алмашишга ҳаракат қилиши хусусида фикр юритилади.
Болалар нутқида қўлланадиган сўзижод намуналари бир қарашда шунчаки фойдасиз, ўткинчи бир жараёндек туюлса-да, ўзининг бетакрорлиги, жажжи “ихтирочи-тилшунос”ларнинг ноёб топилмалари эканлиги билан аҳамиятли саналади.
Аввало, ушбу жараённи ифодаловчи сўзижод (словотворчество) атамасига эътиборни қаратсак. Ушбу атама кенг маънода инсон тафаккурининг ижодий маҳсули сифатида тушунилиб, “болалар сўзлари” (К.И.Чуковский ), “болалар неологизмлари” (Т.Н.Ушакова), “неологизмлар” (Н.И.Лепская), “болалар сўзлари” (В.К.Харченко), “болалар нутқий иннновациялари” (С.Н.Цейтлин)³⁷ каби маънодош терминлар билан ёнма-ён қўлланилади. А.Н.Гвоздев ўзининг кузатувларидан келиб чиқиб, болага хос бундай сўзларни “аналогия асосида шаклланишлар”³⁸ деб юритса, Ю.Н.Кононова эса онтонеологизм термини остида болаларнинг тил механизми ҳаракатларини кузатишлари натижасида ҳосил қилинган сўзижод намуналарини ҳамда окказионал сўз моделларидан юзага келувчи бирликларни бирлаштиради. Болалар нутқида учрайдиган сўзижод намуналарини болалар нутқий инновациялари сифатида эътироф этган С.Цейтлин уларни сўзшакл, лексик-семантик, синтактик инновациялар каби кўринишларга бўлади³⁹.
Таъкидлаш жоизки, болалар нутқида қўлланадиган бундай сўзларни нисбий маънода икки гуруҳда ажратиш мумкин:
1. Катталар нутқида болаларга мос равишда қўлланувчи сўзлар.
2. Боланинг ўзи томонидан ҳосил қилинган ижодий сўзлари.
Тадқиқотда болалар нутқида қўлланадиган, уларнинг ўзлари томонидан “кашф қилинган, чиройли, баъзан кулгили, аммо доимо англанган, тушунарли, тил қонуниятларига мос келадиган, энг асосийси, боланинг фикри, мақсади ва ҳис-туйғуларини очиб бера оладиган”⁴⁰ бундай бирликлар болаларнинг ижодий сўзи (БИС) термини билан номланди. Чунки ҳозиргача болалар нутқида янги сўз ижод қилиш жараёнини ифодаловчи сўзижод термини рус тилидаги словотворчество терминидан тўғридан-тўғри таржима қилиниб ўзлаштирилган. Гарчанд у рус тилида ўз моҳиятини ифодалай олса-да, ўзбек тилида бу терминнинг маъноси унга юкланадиган моҳиятдан бир оз торроқ тушунчани ифодалайди. Болаларнинг ижодий сўзлари (БИС) термини доирасида эса бола томонидан ҳосил қилинган ва унинг нутқида қўлланадиган барча турдаги ижодий сўз намуналарини қамраб олиш мумкин.
Болаларнинг образли тафаккури натижасида уларнинг нутқида ҳосил қилинган БИС қуйидаги турларга ажратилди: