Ўзавтойўл” давлат акциядорлик компаниясининг Кадастр хизмати тўғрисида низом

II боб. “Ўзавтойўл” давлат акциядорлик компанияси Кадастр хизматининг асосий вазифалари ва функциялари
§4. АЙДК Кадастр хизматининг асосий вазифалари ва функциялари
20. АЙДК Кадастр хизматининг асосий вазифалари қуйидагилардан иборат:
“Ўзавтойўл” давлат акциядорлик компаниясининг АЙДКни яратиш ва юритиш борасидаги ягона техник сиёсатини амалга ошириш;
АЙДКни яратиш ва юритиш ишларини ташкил қилиш;
АЙДКни юритишни услубий ва норматив жиҳатдан таъминлаш;
АЙДК Автоматлаштирилган кадастр ахбороти тизимининг (бундан кейин – АЙДК ААТ) ишлаб чиқилишини, жорий этилишини ва амал қилишини таъминлаш;
кадастр ахборотининг тўғри бўлишини ва сақланишини, шунингдек фойдаланувчиларнинг чекланган доирасига тегишли кадастр ахборотининг ноошкоралигини таъминлаш;
АЙДК объектлари бўйича кадастр ахборотининг Давлат кадастрлари ягона тизимига (ДКЯТ), шунингдек бошқа манфаатдор фойдаланувчиларга тақдим этиб борилишини таъминлаш;
“Ўзавтойўл” давлат акциядорлик компанияси кадастр бўлинмалари ходимларининг малкасини мунтазам равишда ошириб бориш.
21. АЙДК Кадастр хизмати ўзига юклатилган вазифаларга мувофиқ қуйидаги функцияларни бажаради:
жойлардаги кадастр бўлинмаларининг ишини мувофиқлаштиради;
АЙДКни юритиш ишларини тартибга солувчи идоравий норматив ҳужжатлар лойиҳаларини ишлаб чиқади;
АЙДК ААТни яратиш ва жорий қилиш ишларини амалга оширади;
маълумотлар базаси тузилмасини ишлаб чиқади, уларни йўл корхоналарига узатиш, шунингдек маълумотлар базаларининг тўғри юритилиши устидан назорат ишларини амалга оширади;
автомобиль йўлларининг янги объектлари тўғрисидаги ҳисобга олиш ва баҳолашга оид ахборотни тўплашни назорат қилади;
ҳудудий ҲЙЭТлар томонидан тақдим этилган кадастр ахборотини тизимга солиш ва уни АЙДК ААТга киритиш, шунингдек келиб тушадиган ахборотнинг сифати устидан назорат ишларини амалга оширади;
кадастр ахборотини ДКЯТга оператив узатиш ишини амалга оширади;
ҳар йили ДКЯТга “Ўзавтойўл” давлат акциядорлик компанияси автомобиль йўллари объектларининг ҳолати ва улардан фойдаланиш тўғрисида белгиланган тартибда ҳисобот тақдим этади;
АЙДК объектларининг ҳолати ва улардан фойдаланиш тўғрисида ҳар йиллик ҳисобот тузади;
“Ўзавтойўл” давлат акциядорлик компанияси кадастр бўлинмаларининг ходимларини ўқитиш ва уларнинг малакасини ошириш ишларини ташкил қилади.