Zaripova Matluba Qulfitdinovna

4.  Pedagogik  yangiliklarni  amalga  oshirishdagi  kuchsiz  uslubiy 
tayyorgarlik. 
Bunday umumiy kamchiliklar qatoriga quyidagilarni kiritish mumkin: 
-
 
aniq o‘quv predmeti mazmuniga fan va texnikaning mos sohalaridagi 
innovatsion jarayon bilan bog‘liq materiallarni kirita olmaslik; 

---

82 
 
-
 
o‘quvchilarning qobiliyatlari va qiziqishlarini e’tiborga olgan holda 
ularning o‘quv-tadqiqot faoliyatini tashkil qilishda qiynalish; 
-
 
o‘tiladigan  predmetlar  bilan  bog‘liq  ravishda  texnik  ijodkorlik  va 
qishloq xo‘jaligidagi tajribadoshlik bo‘yicha jamoa faoliyatini sust boshqarish; 
-
 
pedagogik  yangiliklarni  joriy  qilish  natijalarini  tahlil  qilish  va 
baholashda qat’iyatlilikning yetishmasligi. 
Sanab  o‘tilgan  kamchiliklarning  ko‘rsatilishi  bo‘lajak  o‘qituvchilarni 
tayyorlash darajasini ataylab pasaytirish maqsadini ko‘zlamaydi, aksincha, ta’lim 
va  tarbiya  jarayonini  faollashtirish,  pedagogik  innovatika  masalalari  bilan 
bog‘liq  holda  talabalar  kasbiy  tayyorgarligini  takomillashtirishning  to‘g‘ri 
yo‘llari va vositalarini topishga yordam beradi. 
Oliy  pedagogik  ta’limda  bo‘lajak  o‘qituvchilarni  tayyorlash  mazmunini 
DTS  asosida  tuzilgan  o‘quv  rejaga  kiritilgan  bloklar  (o‘quv  fanlari)dan  iborat. 
Shartli ravishda ularni ijtimoiy-g‘oyaviy, psixologik-pedagogik, kasbiy, tabiiy-
ilmiy va metodik fanlar tizimiga ajratish mumkin. (qarang: 1.1rasm –B.43).  Shu 
bilan  birga  Kadrlar    tayyorlash  milliy  dasturi  “yangi  pedagogik  va  axborot 
texnologiyalari, tayyorgarlikning modul tizimidan foydalangan holda talabalarni 
o‘qitishni jadallashtirish” (3 – B.15) oliy  ta’lim mazmunini takomillashtirishning 
yetakchi  bo‘g‘ini    ekanligi  ta’kidlanadi.  Shu  boisdan  biz  tadqiqotimizda 
talabalarni  innovatsion  faoliyatga  tayyorlash  mazmuniga  o‘qitish  va  kredit 
texnologiyasini  yangi    yo‘nalish  sifatida  kiritdik  va  uning  ilmiy-pedagogik 
asoslarini ochib berishni lozim topdik.