Зарифбой ибодуллаев асаб ва руҳият илмий-оммабоп рисола

Савол: Миастения қайси ёшда кўп учрайди?
Жавоб: Бу касаллик ҳар қандай ёшда, яъни эрта болалик даврида ҳам, 
кексалик даврида ҳам ривожланади. Аммо миастения 20–40 ёшларда кўп 
учрайди. Аёллар эркакларга қараганда 2–3 баробар кўп касалланишади. 
Савол: Миастенияни қандай омиллар келтириб чиқаради?
Жавоб: Миастения ривожланиши, асосан, кўк рак қафаси ичида жой-
лашган айрисимон без (тимус) фаолиятининг издан чиқиши билан 
7–Асаб ва руҳият

---

ЗАРИФБОЙ ИБОДУЛЛАЕВ
194
боғлиқ. Чунки миастения ташхиси қўйилганларнинг 80 фоизида тимус 
патологияси аниқланади. Миастения баъзида полимиозит, Хашимото 
бўқоғи, систем қизил бўрича, ревматоид артрит, лимфосаркома, сарко-
идоз каби бир қатор аутоиммун касалликлар билан бирга учрайди. Му-
тахассислар ушбу касалликларни юзага келтирувчи этиологик омиллар 
ўхшаш бўлиши мумкин, деб ҳисоблашади.
Савол: Миастенияда айнан қайси соҳадаги мус куллар кўпроқ зарарла-
нади?
Жавоб: Бу касалликда юқори қовоқни кўтарувчи ва кўзни 
ҳаракатлантирувчи мускуллар кўп зарарланади. Шунинг учун ҳам миас-
тенияда юқори қовоқ тушиб қолиши ва ғилайлик кўп кузатилади. Улар 
касалликнинг бошланғич давридаёқ пайдо бўлади. Беморнинг эрталаб-
ки очиқ кўзлари тушликдан сўнг ёпилиб бошлайди. Бемордан кўзларни 
бир неча бор юмиб-очиш сўралса, унинг юқори қовоқлари толиқиб, 
кўзлари ярим ойсимон ёпилиб қолади. Ке йинчалик бу белгилар чайнаш 
ва мимика мускулларига, сўнгра ютиш ва товуш учун жавоб берадиган 
мускулларга тарқалади. 
Савол: Бошқа мускуллар зарарланмайдими?
Жавоб: Миастения белгилари баъзида бўйин, елка, қўл ва оёқ мускул-
ларида ҳам толиқиш билан намоён бўлади. Бундай беморлар ҳар қандай 
жисмоний фаолиятдан кейин ҳам чарчаб қолишади.