Zararli odatlar va ularni oldini olish

Alkogol haqidagi noto'g’ri fikrlarimiz!
Xalqimiz orasida odatda shifokorlar ham tavsiya qiladi degan ma'noda orqa qiladiganlar bor, lekin shuni unutmaslik kerakki, Spirtli ichimliklarning 1 grammi ham zararli !!! Buni biz odatlanib qolgan, lekin aslida noto’g’ri hisoblangan teoriyalar asosida ketma-ket ko’rib chiqamiz.
1. Spirtli ichimilik – oziq ovqat mahsuloti. Bu hozirgi kunda spirtli ichimiliklarni barcha oziq-ovqat do'konlarida sotilgani uchun shunday tushuncha bor. Aslidachi?! O'tgan asrning 70-yillar o'rtasida BJSST (butun jahon sog’liqni saqlash tashkiloti) spirtli ichimliklarni (pivoni ham) NARKOTIK moddalar qatoriga qo'shgan.
2. Ozgina ichsang ziyoni yo'q – bu ba'zi “shifokorlar” o'ylab topgan "maslahat”. Hozirgacha spirtli ichimlikni oz miqdorini ziyoni yo'qligi yoki foydasini isbotlaydigan biror ilmiy tadqiqot mavjud emas. Aslida hammasi oz-ozdan ichishdan boshlanadi va vaqt o'tishi bilan doza oshishini talab qiladi. Akademik Pavlov oz miqdorda spirtli ichimlik ichgandan so'ng, inson reflekslari 7-14 kundan so'ng me'yorga kelishini aytgan. Oz miqdorda spirtli ichimlik ichuvchilarning 85% ini miyasi 4 yilda "qurishi” mumkinligi aniqlangan. Bo'kib ichilgandan keyin jigar o'z funktsiyasiga to'laqonli qaytishiga 40 kun kerak bo'ladi ekan.
3. Spirtli ichimliklar tumovga yordam beradi va tanani qizdiradi. Fransiya Fanlar Akademiyasi o'tkazgan tekshiruviga ko'ra, spirtli ichimliklar gripp virusini hech qaysi turiga ta'sir qilmas ekan. Ular immun tizimni susaytirib, kasallikni og’irroq kechishiga olib keladi. Tanani qizdirishi haqida bir narsani aytib o'tmoqchiman: hatto oddiy suv ham tanani qizdiradi! Spirtli ichimlik va kofening qizdirishini solishtirma tekshiruv qilingan. Kofe kuchliroq va uzoqroq qizdirishi ma'lum bo'lgan.
4. Spirtli ichimlik insonni kayfiyatini ko'taradi va stressda yordam beradi. Bu xususiyatlari miya to'qimasini tormozlanishi va paralanishi hisobiga kelib chiqadi. Ammo uning ta'sirida inson qilayotgan ishi va so'zlari boshqalarda STRESS chaqiradi. Uning ta'siri ketgandan so'ng eski hissiyotlari ikki barobar bo'lib aziyat beradi.
5. Spirtli ichimlik ishtahani ochadi. Alkogol hazm tizimiga tushgandan so'ng hazm bezlari ko'p miqdorda shira ajratadi. Buning hisobiga insonda "soxta” ochlik paydo bo'ladi. Bu holat doimiy bo'lsa, hazm tizimi bezlari atrofiyaga uchraydi, oshqozon devorida yaralar paydo bo'ladi.
6. Qizil vino (kagor) da foydali moddalar ko'p. O'tkazilgan tadqiqotlar shuni ko'rsatdiki, vino tayyorlash jarayonida uzumdagi deyarli barcha foydali moddalar parchalanib ketadi.
7. Spirtli ichimliklar ish qobiliyatini oshiradi. Avstraliyada o'tkazilgan tadqiqotda, inson fikrini jamlay olmasligi hisobiga, xatoliklar juda xam ko'p bo'lishi aniqlangan. Shuning uchun hamma mashhur tashkilotlarda spirtli ichimlik qabul qilib, ishga kelishi ta'qiqlangan.
8. Spirtli ichimliklar qon bosimini pasaytiradi. Spirtli ichimlik yurak urish sonini oshiradi va buning hisobiga qon bosimi oshadi.
9. Sifatli spirtli ichimlikni ziyoni yo'q. Har qanday etil spirtidan organizmda o'ta zaharli sirka aldegidi paydo bo'ladi. Sifatsiz ichimliklarda uksus aldegidini yana ham zararliroq qiluvchi zararli moylari mavjud.