Zamonaviy qurilish materiallari va konstruksiyalari

Polimerbeton
, plastobeton - boglovchi moddalari organik polimerlardan 
iborat sementsiz beton. Polimerbeton tayyorlashda bog‘lovchi moddalar 
sifatida, asosan, termoreaktiv smolalar (mas, furan, to‘yingan efir, 
karbamid, epoksid smolalar va boshqalar), baʼzan termoplastik smolalar 
ishlatiladi. To‘ldirgichlar (dag‘al dispers to‘ldirgichlar) sifatida o‘lchami 
5 mm gacha bo‘lgan kvars qumi, granit, bazalt toshlarining 50 mm gacha 
maydalangan 
bo‘lakchalari 
qo‘llanadi. 
Tayyor 
mahsulotlarning 
tannarxini va boglovchi moddalar sarfini kamaytirish, xossalarini 
yaxshilash maqsadida polimerbeton tarkibiga o‘lchami 0,15 mm gacha 
bo‘lgan mayda dispers to‘ldirgichlar (barit, kvars, andezit va boshqa tog‘ 
jinslari uni), shuningdek, plastifikatorlar, erituvchilar va suyultirgichlar, 
g‘ovak hosil qiluvchi moddalar (poroforlar), sirt faol moddalar, 
antipirenlar, bo‘yagichlar va sharik. kiritiladi. Polimerbeton o‘ta ogir 
(3,5-4 t/m3), og‘ir (2,2-2,4 t/m3), yengil (1,6-1,8 t/m3) va o‘ta yengil 
(0,4-0,5 t/m3) xillarga bo‘linadi. Polimerbetonning xossalari bog‘lovchi 
moddalarning turiga, to‘ldiruvchi va to‘ldirgichlar fraksion tarkibiga, 
aralashtirish va barcha komponentlarni zichlashtirishga, shuningdek, 
bog‘lovchi moddalarning qotish darajasiga bog‘liq. Polimerbeton 
elektroliz vannalari, ishlab chiqarish korxonalari pollari uchun koshinlar, 
oqova suvlar uchun quvurlar, kimyoviy taʼsirlar va yemirilishga chidamli 
konstruksion materiallar ishlab chiqarishda qo‘llanadi. Polimerbetondan 
farqli o‘laroq polimersement tarkibiga asosiy komponentlar sifatida 
1:(0,005-0,2) nisbatda anorganik boglovchi material (sement, gips, ohak) 
va polimer qo‘shimchalar (suvda eruvchan epoksid, poliefir, karbamid 
smolalar, polivinilatsetat, lateks va boshqalarning suvdagi dispersiyasi), 
to‘ldirgichlar (mas, bo‘r, yanchilgan qum, talk) kiradi. Polimersement, 
asosan, bino va inshootlar devorlarini suvashda qo‘llanadi