Замонавий қурилиш материаллари, буюмлари ва технологиялари

Билимни мустаҳкамлаш учун саволлар:

1. 
   Нанотехнологиялар деган атамани ким таклиф этган?
   
2. 
   Фюллерен нима?
   
3. 
   Нано сўзи нимани англатади?
   
4. 
   Нанотрубка нима?
   
5. 
   Кластер нима?
   
6. 
   Қурилишда нанотехнологиялардан қандай фойдаланилади?
   
7. 
   Наноўлчамдаги кукунларни қандай усуллар билан олиш мумкин?
   
8. 
   Наноцемент нима?
   
9. 
   Наномодификация деганда нимани тушунасиз?
   

Глоссарий
“Fermacell” плитаси қоғозни иккиламчи қайта ишлашда олинган қоғоз толалари ва гипсдан иборатдир.
«ВЕЛОКС» ёғоч-цементли плиталарни тайёрлаш учун оптимал намлиги 22% бўлган ёғоч чиқиндиларидан фойдаланилади.
Аглопорит - лойли жинслар билан 8-10% гача ёнувчи қўшилмаларни махсус тур ўрнатилган агломерация машинасида пишириб олинган енгил сунъий тўлдирғич.
Арматура (лот. armatura – қурол-яроғ, ускуна, жиҳоз) – бу детал ёки ускуналар йиғими бўлиб, машина, конструкция ёки иншоотнинг асосий қисми бўлмай туриб, уларнинг тўғри ишлашини таъминлаб беради. Темир-бетонда арматурадан конструкцияни эгилишга яхши ишлаши учун фойдаланилади. Темир-бетонда арматурадан стержен, арқон кўринишида ва каркаслар, тўрлар ва бошқалар кўринишида фойдаланилади. Арматурани конструкцияда чўзиладиган зонага чўзувчи кучлни қабул қилиш учун ўрнатилади. Бу эса олинган материални хам сиқилишга хам, чўзилишга яхши ишлашига имкон беради. Арматура бетон билан яхши тишлашиши ва бир хил КЛТР (температурадан чизиқли кенгайиш коэффициенти)га эгалиги темир бетонни кенг қуламда ишлатиш мумкинлигини таъминлайди.
Бетон - маълум миқдорда ўлчаб олинган боғловчи модда, майда ва йирик тўлдирғичлар ва сув аралашмасидан ташкил топган қоришманинг аста-секин қотиши натижасида ҳосил бўлган сунъий тош. У сув билан боғловчини реакцияси натижасида боғловчи модданинг заррачаларидан, янги хосил бўлган минераллардан, тўлдирғичлардан, сув, баъзи вақтларда кўшилган қўшимчадан, киритилган ҳаводан иборат бўлган мураккаб кўп компонентли система.
Бетон қоришмаси - Мураккаб кўпкомпонентли полидисперсион тизимни ўзида ифодаловчи бетон қоришмасини сув, цемент ва тўлдирувчиларни бевосита қориштириш орқали олинади.