Замонавий педагогик технологиялар

Имитацион ўйинлар - бўлим, цех, корхона ташкилотнинг фаолияти-имитация қилинади. Имитацион ўйинлар сценарияси, ҳодиса сюжетидан ташқари, имитация қилинадиган жараён ва объектлар таркиби ва аҳамияти ҳақидаги тафсилотларни ўз ичига олади.
Операцион ўйинлар - тегишли иш жараёни, уларни бажариш шарт-шароитини моделлаштирадилар. Улар маълум бир ўзига хос операциялар­ни: - масалалар ечиш, маълум бир усулни ўзлаштиришга ёрдам берадилар.
Ролли ўйинлар - маълум бир шахснинг вазифа ва мажбуриятларини бажаришдаги руҳий ҳолатлари, хатти-ҳаракати ишланади, роллар мажбурий мазмуни билан тақсимланади.
Ишбилармонлик театри - қандайдир бир вазият ва бу вазиятдаги одамни хатти-ҳаракати ишлаб чиқилади. Вазиятнинг тафсилоти, иштирок этувчиларнинг вазифа ва мажбуриятларини, мақсадлари кўрсатилган сценарий тузилади. Бу ерда, маълум шахснинг ҳақиқий қиёфасига кириб бориш, унинг хатти-ҳаракатларини англаш, вазиятни баҳолаш ва тўғри хатти-ҳаракатни танлаш, муҳим ҳисобланади.
Психодрама ва социодрама - бу ролли ўйинга, ишбилармонлик театрига ўхшаган бўлиб, фақат бу ерда социал-психологик масалалар ечилади. Бундай масалалар жумласига жамоадаги вазиятни ҳис кила олиш, бошқа кишини руҳий ҳолатини тўғри баҳолаш ва уни ўзгартира олиш, у билан унумли мулоқотга кира олиш киради.
Ишбилармонлик ўйини технологиялари уч босқичдан иборат
(3.12-расм).

I. ТАЙЁРЛАШ БОСҚИЧИ
1.1. Ўйинни ишлаб чиқиш	Сценарияни ишлаб чиқиш
	Йўриқнома мазмунини ишлаб чиқиш
	Моддий таъминотни тайёрлаш
	Гуруҳни шакллантириш
1.2. Ўйинга киришиш	Роллар тақисмоти
	Муаммо ва мақсадларни вужуга келтириш
	Шартлар, қоидалар, регламент ўрнатиш
	Маслаҳатлар бериш