Zamon, makon va boshqa narsalar haqida. Ayzek Azimov

Muallif haqida 
               
Ayzek Azimov 
 
(Isaak Yudovich Azimov)
 
        
XX-asr  ilmiy-ommabop  va  ilmiy-fantastik  adabiyotining 
yorqin namoyandasi, Amerika yozuvchisi Ayzek Azimov 1920- 
yil  2-yanvar  sanasida  Rossiyaning  Mogilyov  guberniyasi 
(hozirda 
Smolensk 
viloyati), 
Petrovichi 
shahrida, 
tegirmonchi  oilasida  tug‘ilgan.  Unga  ona  tomondan 
bobosining  xotirasi  uchun,  bobosining  ismini  qo‘yishgan 
ekan.  
        1923-yilda  Azimovlar  oilasi  AQSHga  muhojirlikka 
ketishadi.  U  o‘zi  haqida  hazil  aralash  «ota-onam  meni 
chamadonda  olib  kelishgan»  der  edi.  Ular  Bruklinda 
joylashib, qandolatchilik do‘koni ochishadi.  
       Ayzek Azimov 5 yoshida Bredford-Stayvesant maktabiga o‘qishga boradi. 1935-
yili 15-yoshli Azimov maktabni tamomlab, Set-Lou kollejiga  o‘qishga kiradi. Lekin 
kollej bir yil ichida butunlay yopiladi va u o‘qishni boshqa ta’lim muassasasida - 
Kolumbiya  universitetining  Nyu-Yorkdagi  kimyo  fakultetida  davom  ettirishga  qaror 
qiladi.  1939-yilda  u  mazkur  universitetning  kimyo  fakulteti  bakalavr  diplomini, 
1941-yilda  esa  magistr  diplomini  qo‘lga  kiritgan.  Kimyo  bo‘yicha  ilmiy  ishlarni 
davom ettirish uchun aspiranturaga kirgan Ayzek Azimovni, 1942-yilda Filadelfiyadagi 
harbiy kemasozlik korxonasiga kimyogar mutaxassisligi bo‘yicha ishga jalb qilinadi. 
1945-yilda  esa  uni  harbiy  xizmatga  chaqirishdi.  1946-yilning  iyuligacha  armiya 
safida bo‘lgan Azimov, shu yili xizmatni o‘tab Nyu-Yorkka qaytadi va aspiranturani 
davom  ettiradi.  1948-yilda  u  aspiranturani  muvaffaqiyat  bilan  yakunlab,  biokimyo 
doktori (PhD) darajasiga  erishgan. 1979-yilda  Ayzek Azimov  Kolumbiya  universiteti