Zahiriddin muhammad bobur nomli andijon davlat universiteti

O`ZBEKISTON RESPUBLIKASI OLIY VA
O‘RTA MAXSUS TA’LIM VAZIRLIGI
ZAHIRIDDIN MUHAMMAD BOBUR NOMLI
ANDIJON DAVLAT UNIVERSITETI
Fizika-matematika fakulteti
Matematika yo‘nalishi 4-bosqich M1-guruh talabasi
Olimjonova Irodaning

KURS ISHI
Mavzu: Aniq integral va uning tatbiqlari
Ish rahbari: Xudoyberdiyeva Sh.


Andijon-2022 yil
R E J A:

1. 
   Kirish
   
2. 
   Asosiy qism:
   

1.Integral tarifi va uning xossalari
2.Aniq integral tatbiqlari
3.Trapetsiya va Simpson formulalari
4.Bo’laklab integrallashga doir misollar

3. 
   Xulosa
   

Foydalanilgan adabiyotlar

KIRISH
Yoshlarimizning mustaqil fikrlaydigan, yuksak intelektual va ma’naviy salohiyatga ega bo‘lib, dunyo miqyosida o‘z tengdoshlariga hech qaysi sohada bo‘sh kelmaydigan insonlar bo‘lib kamol topishi, baxtli bo‘lishi uchun davlatimiz va jamiyatimizning bor kuch va imkoniyatlarni safarbor etamiz.
Sh.M.Mirziyoyev
Mavzuning dolzarbligi. Mamlakatimizda mustaqillik yillarida amalga oshirilgan keng ko‘lamli islohotlar milliy davlatchilik va suverenitetni mustahkamlash, xavfsizlik va huquq-tartibotni, jamiyatda qonun ustuvorligini, inson huquq va erkinliklarini, millatlararo totuvlik va diniy bag‘rikenglik muhitini ta’minlash uchun muhim poydevor bo‘ldi, xalqimizning munosib hayot kechirishi, jahon talablari darajasida ta’lim olishi va kasb egallashi, fuqarolarimizning bunyodkorlik salohiyatini ro‘yobga chiqarish uchun zarur shart-sharoitlar yaratdi. Yangi sharoitlardan kelib chiqib, “Ta’lim to‘g‘risida”gi va “Kadrlar tayyorlash milliy dasturi to‘g‘risida”gi O‘zbekiston Respublikasi qonunlariga, 2017-2021-yillarga mo‘ljallangan “O‘zbekiston Respublikasini yanada rivojlantirish bo‘yicha Harakatlar strategiyasi”, O‘zbekiston Respublikasi Prezidentining “Pedagog kadrlarni tayyorlash, xalq ta’limi xodimlarini qayta tayyorlash va ularning malakasini oshirish tizimini yanada takomillashtirish chora-tadbirlari to‘g‘risida”gi Qaroriga muvofiq, ta’lim bosqichlarining uzluksizligi va izchilligini ta’minlash, ta’limning zamonaviy metodologiyasini yaratish, davlat ta’lim standartlarini kompetensiyaviy yondashuv asosida takomillashtirish, o‘quv-metodik majmualarning yangi avlodini ishlab chiqish va amaliyotga joriy etish hamda pedagog xodimlarini qayta tayyorlash va ularning malakasini oshirish tizimini yanada takomillashtirish taqozo etadi.
Qadim zamonlardan buyon odamlar ekin maydoni yuzalarini o`lchash
uchun ekin maydonini kichik to`rtburchaklarga ajratib, so`ngra ularning yuzalarini
qo`shib maydon yuzi kattaligini taqribiy topishgan. Xuddi shu usulni Arximed
geometric figuralarni yuzasi va hajmini topishda qo`llagan. Nyuton barcha
fizikaviy hodisalar differensiallash va integrallash amallarining ketma-ket
takrorlanish natijasida ro`y berishini kuzatadi. Shu prinsipni qo`llab ko`pgina
natijalarga erishadi. Shu sababli ham integral va differensial tushunchalari nyuton
nomi bilan bo`g`liq.
Integral tushunchasi matematik analizning asosiy tushunchalaridan biri bo’lib matematika, fizika, mexanika va boshqa fanlarning eng kuchli quroli hisoblanadi. Egri chiziqlar bilan chegaralangan yuzlarni, egri chiziq yoylari va uzunliklarini, hajmlarni, ishlarni, tezliklarni, yo’llarni, inersiya momentlarini va hokazolarni hisoblashga ishlarining hammasi integral hisoblashga keltiriladi.