Zahiriddin muhammad bobur nomli andijon davlat universiteti ijtimoiy fanlar kafedrasi

Vaqt (zamon) jarayonlarning davomiyligi, hodisalarning ketma-ketligi tartibini ifodalovchi moddiylik atributi.
Voqelik - imkoniyatning yuzaga chiqishi.
Xususiylik - ma’lum bir munosabatda umumiylik, boshqasida esa yakkalik tarzida namoyon bo’luvchi narsa, hodisa guruhi.
Xayol - voqelikni umumlashgan holda idrok etish hodisasidir.
Xotira - ongimizda in’ikos etgan narsalar, hodisalar, jarayonlarni mustahkamlash, saqlab qolish va keyinchalik esga tushirishdir.
Xulosa - hukmlar asosida paydo bo’lgan yangi hukm.
Xalq - tarixiy jarayonning muayyan bosqichida oldinga qarab harakat qilish
manfaatlarini ifodalovchi va muayyan hududda yashovchi barcha ijgimoiy guruhlar, kuchlar, kishilar birligidir.
Yakkalik (yagonalik) - o’zining takrorlanmas belgilari bilan ajralib turadigan narsa, hodisa.
Zardushtiylik - eramizgacha X asrdan eramizning VII asrigacha hukm surgan diniy-falsafiy ta’limotlardan biri.
Turon va Eron xalqlarining ko’p asrlik og’zaki ijodida keng tarqalgan dunyoqarash, axloq-odobga doir fikrlarning noyoblarini to’plab, kitob holiga keltirgan kishi vatandoshimiz Zardo’sht Sepitomadir (eramizgacha VI asr). Uning ta’limoti Sharq va G’arbda Zaratushtra, Zaroastr nomlari bilan mashhur.
Zaruriyat - muayyan sharoitda albatta yuz berishi lozim bo’lgan narsa, hodisa.
O’z imkoniyatlarini ro’yobga chiqarish – o’zining betakror mohiyatini faoliyatda namoyon etuvchi va gavdalantiruvchi har bir individ axloqiy faoliyatining maqsadi.
O’zbek falsafasi - tamal toshi ulug’ ajdodlarimiz tomonidan qo’yilgan falsafa. Mustaqillik milliy falsafamizni shakllantirish va rivojlantirish uchun keng imkoniyatlar ochdi, obyektiv va subyektiv shart-sharoitlarni yaratdi. Birinchi Prezidentimiz Islom Karimov asarlari o’zbek falsafasining taraqqiyot qonunlarini ochib bermoqda, o’zbek falsafasi oldidagi bugungi muammolarning mohiyati, ularni hal qilish yullarini ko’rsatib bermokda. I.A. Karimov asarlari milliy falsafamizning nazariy asosi va ilmiy metodi vazifasini o’tamokda.
O’zbek falsafasining rivojlanishida quyidagi jihatlar alohida ahamiyat kasb etadi:
- xalqimizning o’z milliy an’analariga sodiqligi;
- mamlakatimizning buyuk kelajagiga ishonchi;
- muqaddas qadriyatlarimizga e’tiqodi;
- mehnatsevarligi, intellektual salohiyati va boshqalar.