Zahiriddin muhammad bobur nomidagi andijon davlat universiteti kompyuter injiniringi va axborot texnologiyalari fakulteti

EdX Edge, odatda kampus yoki tashkilot ichida foydalanish uchun yaratilgan kichik xususiy onlayn kurslarga (SPOCs) ega. Ushbu kurslar ko'pincha ro'yxatga olishni cheklaydi va omma e'tiboriga havola qilinmaydi. Edge kursiga ro'yxatdan o'tish uchun siz ro'yxatdan o'tish uchun taklifnoma va kurs komandasining kurs URL manzilini o'z ichiga olgan elektron pochta xabarini olishingiz kerak. Edge kursiga yozilish taklifini olmaguningizcha Edgedan ro’yxatdan o’tishingiz shart emas. Edge kurslari sertifikatlar bermaydi.
«Mutaxasislik fanlarini o’qitish metodikasi» fanini o’qitishda EdX platformasining quyidagi kurslaridan foydalanish mumkin:

• 
  CSS Basics;
  
• 
  HTML5 and CSS Fundamentals;
  
• 
  JavaScript Introduction;
  
• 
  Building prototypes with JavaScript and Node.js  Programming for the web with JavaScript.
  

«INTUIT» milliy ochiq universiteti – ta'lim sohasidagi loyiha bo'lib, uning asosiy vazifasi - Internet tarmog'i bo’ylab bilimlarni erkin tarqatish va masofaviy ta'lim xizmatlarini taqdim etishdir. Loyihaning web-sahifasi Informatika fanlari, axborot texnologiyalari, matematika, fizika, iqtisod, menejment va zamonaviy bilimlarning boshqa sohalariga oid 800 dan ortiq malaka oshirish kurslarini ochiq va bepul taqdim etadi. «INTUIT» kitoblar seriyasi jamlanmasi yuzlab kitoblar va elektron darsliklarni
o’zida mujassamlashtiradi. Loyihaning video kutubxonasidan taniqli professoro'qituvchilarning bir necha ming soatdan iborat ma'ruzalari joy olgan. Loyiha o'quv muassasalari bilan hamkorlik qiladi, «INTUIT» taqdim etuvchi o'quv materiallaridan Rossiya Federatsiyasining 500 dan ortiq va boshqa davlatlarning turli universitetlari o'quv jarayonida faol foydalaniladi. Loyiha bir necha marotaba mintaqaviy va respublika tanlovlari, jumladan, «Milliy Runet mukofoti» bilan taqdirlangan.
Ushbu loyiha Anatoliy Shkred tomonidan tashkil etilgan bo’lib, www.intuit.rusayti 2003 yil 10 aprelda ochilgan. U xususiy kompaniya hisoblanib, darslik va sertifikatlar savdosi bilan moliyalashtiriladi.[57]
«Code.org» - maktablarda informatika fanlarini o’qitishni rivojlantirish, ushbu sohadagi ayollar safini kengaytirish bilan shug’ullanuvchi notijorat tashkilot hisoblanadi. Ularning fikricha, barcha maktablardagi har bir o’quvchi biologiya, algebra va ximiya fanlari singari informatika fanlarini o’rganish imkoiyatiga ega bo’lishi zarur. Shuni inobatga olgan holda, boshlang'ich va o'rta maktablarda informatika fanlarini o'qitishda eng keng tarqalgan o'quv dasturini taqdim etmoqdalar. Shuningdek, har yili butun dunyo talabalari uchun «Hour of Code» deb nomlanuvchi kurslarni tashkil etiladi (8-rasm).
Code.org 2013-yilda egizak aka-ukalar Hadi va Ali Partovi tomonidan informatika fanidan video murojaat lavhasi bilan ish boshlagan. Code.org ta’limning barcha spektrlari bo’yicha ishlaydi: o’z kurslarini yaratadi yoki boshqalar bilan hamkorlik qiladi va o’qituvchilarni o’qitadi.