Zahiriddin muhammad bobur nomidagi andijon davlat universiteti

Yo’q zarra najot hech, kun-tun ziyod o’lur,  

Qo’sh-qo’sh tug’adur haftada yangi oyi qarz. 

Bozor kasod, kasbu hunarga rivoj yo’q,  

Nafs shaytonining vasvasasi, royi qarz. 

Sayohatnoma  yo’nalishidagi  poetik  turkum.  Ma’rifatparvarlik  va  jadid  adabiyoti  vakillari 

o’z hayotlari davomida boshqa mamlakatlar taraqqiyotini ko’rish, ulardan ilg’or jihatlarni o’rganish 

va  vatanga  olib  kelish  fikri  bilan  yashaganlar.  Muqimiy,  Zavqiylar  ijodidagi  sayohat  taassurotlari 

she’riy shaklni olgan bo’lsa, jadid adiblardan Behbudiy, Cho’lponlar bu borada nasriy, publitsistik 

asarlar yaratdilar. 

Muqimiy  sayohatlari  asosan  Farg’ona  vodiysi  bo’ylab  bo’ldi.  Shoir  Qo’qondan 

Shohimardonga,  Farg’onaga,  Isfaraga  qilgan  sayohatlari  asosida  turkum she’rlar  yaratdi. Muqimiy 

bu  joylarning  tabiati,  muhiti,  iqlimidan  tashqari  odamlari,  urf  odat  va  an’analari,  udumlarini 

tasvirlaydi.  ―Sayohatnoma‖  shoirning  dunyodan  shikoyat  qilishi,  ―ahli  funun‖ga  dunyo  teskari 

ishlarni ko’rsatishi bayoni bilan boshlanadi. 

 

She’rda  Ultarma,  Do’rmoncha,  Bo’rbaliq,  Oq  yer,  Roshidon,  Zohidon,  Oltiariq,  Chimyon, 

Vodil  kabi  joy  nomlari  keltiriladi.  Ba’zi  qishloqlar  tasvirida  vatan  kengliklari,  tabiati,  go’zal 

manzaralar berilsa, ayrimlarida tanqidiy munosabat ko’zga tashlanadi.  

Ammo nazarda Roshidon, 

Firdavs bog’idan nishon. 

O’ynab oqar obi ravon, 

Sahni gulu gulzor ekan. 

 

Vodil maqomi dilfizo, 

Ko’chalaridur dilkusho. 

Anhorida obi safo, 

Sebarga, obishor ekan. 

 

Anhoru soyu jo’lari, 

O’ynab keladur suvlari, 

---

16 

 

Shirinki zardolulari, 

Qandu asal bekor ekan.  

―Sayohatnoma‖ning  boshqa  o’rinlarida  esa  shoirning  tanqidiy  fikrlari  ko’rinadi.  Bunday 

satrlarda xalqning naqadar qiyinchilikda hayot kechirayotgani, turmush tarzining og’irligi qalamga 

olinadi. Shoir yo’l zahmatlarini tasvirlab, qaroqchi, o’g’rilarning borligini, bunday joylar ―xoriston‖ 

ekanini kuyinchaklik bilan aytib o’tadi: 

Kun tobishida bu safar, 

Yo’llar saqardan ham batar, 

Tog’ ichra rahzan bachchag’ar, 

Ko’p elni qaqshatqon ekan. 

 

Ketguncha yo’llar xorlar, 

Yo’l zahmidan ozorlar. 

Ko’kka yetar ko’hsorlar, 

Hayhot! Xoriston ekan. 

 

Qir pastida sho’rtang arig’, 

Bir to’p yigit o’rgay tarig’. 

To’nsiz, yalang’och, hay darig’, 

Bechora, och dehqon ekan. 

 

Muqimiy  ―Sayohatnoma‖si  singari  she’rlar  bitish  Qo’qon  shoirlari  uchun  an’ana  bo’ldi. 

Jumladan,  Zavqiy,  Furqat,  Tajalliy  kabi  shoirlar  Muqimiy  asarining  vazni,  radifi,  qofiyasi  asosida 

o’z  ―Sayohatnoma‖larini  yaratdilar.  Zavqiy  she’ri  ―Shohimardon  xotirasi‖  deb  nomlangan  bo’lib, 

unda  tabiat  manzaralari,  qishloq  hayoti  lavhalari,  odamlarining  fe’l  atvorlari  tasvirlanadi.  Bu 

manzaralar  shoir  nigohida  ro’y  bergan,  ularni  kuzatish  jarayonida  shoir  o’ziga  xos  umumlashma 

fikrlar  chiqargan. She’r  Muqimiy ―Sayohatnoma‖sidan farqli o’laroq, dastlabki bandlari ko’tarinki 

kayfiyatda beriladi: 

Bu ravzaga kimki kelib, 

Bir kechasi mehmon ekan.