Z. T. Karabayeva

Intoksikatsiyalar  patogenezi  −  zaharli  moddalar  bilan  zaharlanishning 
rivojlanishi. 
Qarama-qarshi  o‘rganish  −  bir  xil  kimyoviy  moddalarga  o‘rganish  hosil 
qilishda boshqa kimyoviy moddalar ta’siriga barqarorlikning kuchayishi. 
Platsentar to‘siq  −  platsentaning morfologik va funktsional xususiyatlari 
yig‘indisi  bo‘lib,  bu  uning  ona  qonidan  homilaga  va  teskari  yo‘nalishda 
moddalarni tanlab-tanlab o‘tkazish qobiliyati va homilani yot moddalar tushishidan 
himoya qilishi bilan izohlanadi.  
Ostonaviy  kontsentratsiya  −  toksik  samara  beradigan  eng  kichik 
konsentratsiya. 
Ishchi  zona  havosidagi  zaharli  moddalar  REKsi    −    har  kuni 
(yakshanbadan  tashqari)  ish  vaqtida  8  soat  davomida  yoki  boshqa  davomiylikda, 
biroq  haftasiga  41  soatdan  oshmagan  vaqtda,  butun  ish  staji  davomida,  ish 
jarayonida  yoki  hozirgi  va  kelgusi  avlodlar  hayotining  keyingi  davrlarida 
zamonaviy  usullar  yordamida  aniqlanadigan  sog‘liqdagi  o‘zgarishlar  yoki 
kasalliklarni keltirib chiqarmaydigan miqdorlar.