Z. O. Qurbonov

Topshiriq-4: Badiiy asarlardan bir bosh boʻlakli gapning turlariga misollar toping. Olingan manba muallifi va sahifasi koʻrsatilishi shart. Bir bosh boʻlakli gaplar qatnashgan gaplar tuzing va sintaktik tahlil qiling.
Topshiriq-5: Badiiy asarlardan ega, kesim, aniqlovchi, toʻldiruvchi ergash gapli qoʻshma gaplarga misollar toping. Olingan manba muallifi va sahifasi koʻrsatilishi shart. Ega, kesim, aniqlovchi, toʻldiruvchi ergash gapli qoʻshma gaplar qatnashgan gaplar tuzing va sintaktik tahlil qiling.
Topshiriq-6: Badiiy asarlardan ravish, payt, oʻrin, sabab ergash gapli qoʻshma gaplarga misollar toping. Olingan manba muallifi, sahifasi koʻrsatilishi shart. Ravish, payt, oʻrin, sabab ergash gapli qoʻshma gapla qatnashgan gap tuzing va sintaktik tahlil qiling.
Topshiriq-7: “Oʻzbekiston adabiyoti va san’ati” gazetasidan gapning ajratilgan ikkinchi darajali boʻlaklariga misollar toping. Olingan soni, sahifasi koʻrsatilishi shart. Gapning ajratilgan ikkinchi darajali boʻlaklarni qatnashtirib gap tuzing va sintaktik tahlil qiling.
Topshiriq-8: Berilgan gaplardan uyushiq boʻlaklarini aniqlang, ular orasidagi farqini izohlang. Uyushiq boʻlaklar qatnashtirib ikkita gap tuzing va sintaktik tahlil qiling.
1. Jannatxon musiqani, ashulani juda sevar edi. (P.Qod.) 2. Quyosh yorugʻida koʻk, sariq, qizgʻish qum zarrachalari yaltirardi. (Yo.Sh.) 3. Hulkar kulib, quvnab oʻyinga tushdi. (P.Q.) 4. Bino oldida bolalar, qariyalar toʻplanishgan. (Oydin) 5. Ertadan senga kitob, daftar beraman, oʻqiysan yo xat yozasan. (A.Q.) 6. Oq ,sariq, qizil gullar; rang-barang chirmoviqlar, tikanli gullarning hammasi shudring bilan top-toza yuvilgan. (O.Yo.) 7. Nasiba gʻayratli, ishchan, tashabbuskor bir qiz boʻlib chiqdi. (O.Yo.) 8. Mehmonlarga har nav shirinliklar, pista, bodom, quruq mevalar tortildi. (O.)
Topshiriq-9: Hikoya janridagi asarlardan sodda va murakkab soʻz birikmalarini toping. Sodda va murakkab soʻz birikmasi qatnashtirib ikkita gap tuzing va sintaktik tahlil qiling. Olingan manba muallifi, sahifasi koʻrsatilishi shart.