Z. M. Islomov, N. A. Muhamedov, F. A. Sindarova dinshunoslik akademik litseylar va kasb-hunar kollejlari uchun o‘quv qo‘llanma toshkent «Niso Poligraf»

Hadisi sharif. Hadis – Muhammad alayhissalomning aytgan 
so‘zlari,  qilgan  ishlari,  taqrirlari  (ko‘rib  qaytarmagan  ishlari) 
yoki  u  kishiga  berilgan  sifatlarni  o‘zida  mujassam  qilgan  xabar 
va rivoyatlardir. «Hadis» so‘zining lug‘aviy– so‘z; xabar; hikoya; 
yangi kabi ma’nolari bo‘lib, istelohda esa – «al-hadis an-Nabaviy» 
ya’ni, Payg‘ambar so‘zlaridir.
Hadislar  Qur’ondan  keyingi  asosiy  manba  hisoblanadi. 
Hadislar ikki qismdan: aynan xabar beruvchi matn va uni rivoyat 
qilgan roviylar zanjiri – isnoddan iborat.
Hadis ikki xildir:
–  al-hadis  al-qudsiy  (bunday  hadisda,  ma’no  Allohdan,  lafz 
esa Payg‘ambardan bo‘ladi);
–  al-hadis  an-nabaviy  (bunda  ma’no  ham  lafz  ham 
Payg‘ambarnikidir).
Hadislar  ilk  davrda  faqat  og‘zaki  ravishda  avloddan  avlodga 
uzatilar  edi.  Yozma  ravishda  hadislarni  to‘plamaslik  haqidagi 
Payg‘ambarning  ko‘rsatmalari  asosan  ilk  islom  davriga  taalluqli 
edi.  Payg‘ambar  a.s.  o‘z  so‘zlarini  yozib  olishdan  sahobalarni 
qaytarishlariga  sabab  hadislarning  Qur’on  oyatlariga  aralashib 
ketmasligi  uchun  edi.  Chunki  vahiy  nozil  bo‘lib  turgan  paytda 
ba’zi kishilar Qur’on oyatlarini yozib borar edilar. Boshqa hadisda 
esa  Payg‘ambar  a.s.:  «Bu  og‘izdan  –  deya  o‘z  og‘izlariga  ishora 
qildilar – faqatgina haq so‘z chiqadi» – deb, o‘z so‘zlarini yozib 
olishga  buyurganliklari  haqida  rivoyat  qilingan.  Abu  Dovud 

---

71
o‘zining  «Sunan»  asarida  ikki  hadisni  ketma-ket  keltiradi  – 

ulardan birida Payg‘ambar o‘z so‘zlarini yozib olishdan qaytargan 
bo‘lsalar, ikkinchisida unga buyuradilar.
Keyinchalik  esa  bu  yozuvlar  katta  to‘plamlarga  asos  bo‘ldi. 
Shunday  ilk  to‘plamlardan  biri  Madinadagi  Urva  ibn  az-
Zubayrga  (vaf.  94/712  yoki  99/717  y.)  va  ikkinchisi  Suriyaga 
ko‘chib  ketgan  Muhammad  ibn  Muslim  az-Zuhriyga  (vaf. 
124/741  y.) tegishli.
Hadis  ko‘pincha  sunna  so‘zi  bilan  ham  yonma-yon  keladi. 
Sunna  so‘zining  lug‘aviy  ma’nosi  –  odat,  tariqa  –  yo‘l  bo‘lib, 
Islomdagi istelohiy ma’nosi – Payg‘ambar odatlari, tutgan yo‘llari, 
taqrir  (ko‘rib  qaytarmagan)  va  buyurgan  ishlariga  nisbatan 
ishlatiladi.  Bundan  kelib  chiqib  aytish  mumkinki,  hadislarning 
zamirida  sunna  yotadi.  Islom  ta’limotida  e’tiqod  mezonlarini 
belgilash  va  fiqhiy  masalalarni  hal  etishda  Qur’ondan  keyin 
sunnaga asoslaniladi.
VIII–IX  asr  asosan  mavjud  hadis  to‘plamlari  qayta  ishlagan 
holda  ularni  boblar  bo‘yicha  tasnif  qilib,  musannaflar  yozish 
davri  bo‘ldi.  Bu  esa  hadislardan  foydalanish  uchun  ancha  qulay 
bo‘ldi.  Islom  olamida  shunday  musannaflardan  oltitasi  alohida 
e’tiborga  molik  sanaladi.  Ular  –  eng  katta  obro‘ga  ega  bo‘lgan 
Imom  al-Buxoriy  va  Imom  Muslimning  (vaf.  261/875)  «al-Jomi’ 
as-Sahih»  to‘plamlari,  undan  keyingi  eng  muhim  asarlar  –  Abu 
Dovud,  at-Termiziy  (vaf.  279/892  y.),  an-Nasoiy  (vaf.  303/915  y.) 
va Ibn Mojjaning (vaf. 273/886) «as-Sunan» asarlaridir. «al-Jomi’ 
as-Sahih»  kitoblari  o‘z  ichiga  biografik  ma’lumotlar,  Qur’on 
oyatlariga  tafsirlar,  diniy  qonun-qoidalar,  ijtimoiy  va  shaxsiy 
axloq  mezonlarini  ham  qamrab  oldi.  «al-Jomi’  as-Sahih»ning 
ishonchlilik  darajasi  boshqa  to‘plamlardan  ko‘ra  ancha  yuqori 
hisoblanadi.
Yana  bu  muhaddislar  qatorida  Abdulloh  ibn  Abd  ar-Rahmon 
ad-Dorimiy  Samarqandiyni  (181/798–255/869)  ham  aytib  o‘tish 
lozim.  U  olim  Samarqandda  yashab,  ijod  etgan  bo‘lib,  hadis 
ilmini  rivojlantirishga  o‘zining  katta  hissasini  qo‘shgan.  Imom 
Dorimiy «Sunan ad-Dorimiy» asari muallifidir.

---

72
Hadislar  orasida  Payg‘ambar  nomidan  aytilgan  to‘qima 

so‘zlar  ko‘p  uchraydi.  Ularda  Arabistondan  uzoqdagi  fath 
qilinishi  lozim  bo‘lgan  va  hatto  Payg‘ambar  davrida  hali 
asos  solinmagan  shaharlar  haqida  so‘z  boradi.  Ilk  islom 
davrida  vujudga  kelgan  xorijiy,  murji’iy,  qadariy,  jahmiy  kabi 
oqim  va  guruhlar  haqida  gapiriladi.  Umaviylar  (661–750) 
va  Abbosiylarning  (749–1258)  benuqson  xalifaliklari  zikr 
qilinadi.  Bunday  hadislarni  Payg‘ambardan  kelgan  deb  qabul 
qilish juda qiyin.
Turli  kishilarning  hadis  to‘qishga  bo‘lgan  urinishlari  hadislar-
ning  naqadar  katta  ahamiyatga  ega  bo‘lganligini  ko‘rsatadi.  Shu-
ning uchun ham ixtiroga usta kishilar o‘z g‘oyalarini targ‘ib etish 
maqsadida undan unumli foydalandilar.
Xuddi shu o‘rinda hadis ilmi taraqqiyotida ayollarning o‘rnini 
alohida ta’kidlash lozim. Hadislarni rivoyat qilgan roviylar haqida 
xabar beruvchi ilm ilm ar-rijol (kishilar haqidagi ilm) deb atalsa-
da,  bu  sohada  zikr  etilgan  hadis  rivoyatchilari  orasida  ko‘plab 
ayollar uchraydi.
Hadislarni  tanqidiy  o‘rganish  bo‘yicha  tez  orada  olti 
to‘plamda uchragan bir qator maxsus terminlar guruhi vujudga 
keldi. Imom Termiziy bu sohada salmoqli ishni amalga oshirdi. 
U faqatgina hadislarni to‘plash bilangina cheklanib qolmasdan, 
ularni  tahliliga  ham  alohida  bo‘lim  ajratdi.  Imom  Termiziy 
birinchilardan bo‘lib hadislarni sahih, hasan va zaif guruhlarga 
ajratgan  olimdir.  Vaqt  o‘tishi  bilan  hadis  ilmidagi  terminlar 
taraqqiy etib bordi va bu sohada umumiy qabul qilingan shaklga 
keldi.
Mustaqillikdan keyin vatanimizning ilmiy, madaniy, ma’naviy 
va  diniy  tarixini  chuqur  tadqiq  etishga  keng  yo‘l  ochilganidan 
so‘ng  mamlakatimizda  hadislarni  o‘rganish  bo‘yicha  talaygina 
ishlar  amalga  oshirildi.  «Axloq-odobga  oid  hadis  namunalari», 
«al-Adab al-mufrad», «Ming bir hadis», IV jilddan iborat «Hadis» 
nomli «al-Jomi’ as-sahih»ning tarjimasi hadis to‘plamlari sifatida 

---

73
nashr  etildi.  Yurtimiz  tadqiqotchi-olimlari  tomonidan  Imom 

Buxoriy,  Imom  Termiziy  kabi  bir  qator  muhaddislar  hayoti, 
ilmiy  faoliyatlarini  yoritib  berish  yo‘lida  ilmiy  izlanishlar  olib 
borilmoqda.
Respublika  Vazirlar  Mahkamasining  buyuk  muhaddis 
Imom  Buxoriy  ilmiy-diniy  merosining  xalqimiz  ma’naviy  ruhiy 
hayotidagi  beqiyos  o‘rnini  hisobga  olib,  jamiyatning  barkamol 
kishilarini  tarbiyalashda  undan  oqilona  foydalanishga  shart-
sharoit  yaratish  maqsadida  1997-yil  29-aprelida  «1998-yilda 
Imom  Buxoriy  tavalludining  hijriy  qamariy  taqvim  bo‘yicha 
1225 yilligini mamlakatimizda keng nishonlanishi haqida» qaror 
qabul qildi. Bu qaror asosida buyuk muhaddis yubiley to‘yi butun 
mamlakatimiz miqyosida nishonlandi.