Z. D. Rasulova, Sh. H. Quliyeva, A. R. Jo‘rayev texnologiya fanini o‘qitish metodikasi

Nazorat uchun savollar: 
1.
Innovatsion ta’lim texnologiyalari deganda nimani tushunasiz? 
2.
Interfaol ta’lim texnologiyalarining dars jarayonidagi afzalliklarini ayting. 
3.
Modulli ta’lim texnologiyasini qo‘llash usuli qanday? 
4.
Keys-stadi texnologiyasini texnologiya ta’limidagi samaradorlik jihatlarini 
ayting. 
5.
Dars jarayonida muammoli vaziyatni qanday yaratish mumkin? 
13-Mavzu. Texnologiya darslarida amaliy darslarni tashkil qilish va 
o‘tkazish 
Tayanch so‘zlar: 
amaliy mashg‘ulot, darsni rejalashtirish, joriy 
yo‘riqnoma, oraliq yoriqnoma, yakuniy yo‘riqnoma, o‘qituvchining vazifasi, 
xavfsizlik-texnikasi qoidalari. 
13.1. Amaliy darsga tayyorgarlik
Amaliy mashg‘ulot - 
aniq maqsadga qaratilgan va ta’lim beruvchi 
tomonidan boshqarib turiladigan, aniq bir topshiriqni bajarish uchun kerakli 
nazariy darsda olingan maxsus bilimlar asosida malaka va ko‘nikmalar 
shakllantirish maqsadida olib boriladigan rejali didaktik harakatga aytiladi.
Amaliy mashg‘ulot mehnat ta’limining tarkibiy qismi bo‘lib, o‘quv 
ustaxonalarida, laboratoriyalarda, o‘quv poligonlarida ish o‘rnida joylashgan real 
vositalardan foydalanilgan holda o‘tkaziladi. 
Texnologiya ta’limi tizimining xususiyati shuki, nazariya va amaliyot bir 
biridan alohida, ya’ni nazariy ta’lim o‘quv auditoriyada, amaliy mashg‘ulotlar 
ustaxona va laboratoriyalarda amalga oshiriladi. Nazariy darsda kerakli maxsus 
bilimlar amaliy darsga nisbatan ilgariroq berilishi ta’minlanishi kerak. Amaliy 

---

123 
mashg‘ulotlarda ta’lim beruvchi ish o‘rnida faqat ish topshiriqlariga tegishli 
qo‘shimcha bilimlarni
Darsni rejalashtirish
-
kutilayotgan o‘quv natijalariga erishish maqsadida 
o‘quv jarayoniga tayyorgarlik ko‘rish: ta‘lim metodlarini tanlash, tarqatma 
materiallar va o‘quv-didaktik vositalar tayyorlash. 
Barcha imkoniyatlarni inobatga olgan holda, bir marta tuzilgan rejada 
o‘zgarishlar bo‘lmasligiga harakat qilish kerak. Ta’lim beruvchi uchun 
rejalashtirish o‘quv jarayonini boshqarishda xatolarga yo‘l qo‘ymaslik deganidir. 
Ta’lim oluvchi uchun rejalashtirish, u bo‘lajak o‘quv jarayoni to‘g‘risida va 
ta’limdan nimalarni kutishi mumkinligi haqidagi aniq tasavvurga ega bo‘lishi 
deganidir.