Óz betinshe jumıslar ushın tapsırmalar

Janın kelige qamaw-azaplaw,qıynaw.Dárwazabanlar shıt penen bóz alıp ótkenlerge menen qaladan bel,oraq,ketpen alıp shıqqan diyqanlardıń janın kelige qamadı.(K.M.Bozataw.48-bet)

Qas qarayǵansha-kesh túsiw.Sonıń ushın da Tursınbay búgin qas qarayǵansha diyqanlarǵa bel,ketpen,oraq balta soǵıw menen bánt boldı.(K.M.Bozataw.49-bet)

Salısı suwǵa ketiw-qayǵıǵa batıw.Tap salısı suwǵa ketkwn kisidey Qońırattan shıqqalı berli basın kótermedi.(K.M.Bozataw.50-bet)

Tamaǵı toq,kiyimi pútin-bay.Tamaǵı toq,kiyimi útin bolǵanlıqtan biziń ústimizden kúledi.(K.M.Bozataw.51-bet)

Dúnyanı suw bassa,órdekke bir pul-qayǵısız.-Pútkil dúnyanı suw alsa órdekke bir pul.Qáne olarǵa barluq kámbaǵallar ashtan qırılsa...(K.M.Bozataw.51-bet)

Qulaǵına tiyiw-esitiw,xabarı bolıw.Erteńine Qulman biydiń qulaǵına kelip tiygen xabar dım ábeshiy...(K.M.Bozataw.,56-bet)

Bir ayaǵı jerde,bir ayaǵı górde-ólimi jaqın.Shıraqlarım,men bolsam bir ayaǵım jerde ,bir ayaǵım górde turǵan adamman.(K.M.Bozataw.56-bet)

Jıyrıǵın jazıw-kewlin kóteriw.Jalǵız adamǵa qıyın boladı.Seniń menen sóylesip,bir jıyrıǵın jazsın.(K.M.Bozataw.67-bet)

Shımshıq soysa da,qassap soysın-jumıstı bilgen qılsın.Shımshıq soysa da qassap soysın degendey-aq Qudaybergenniń bul ónerdiń tilin bilmey atırǵanı.(K.M.Bozataw.67-bet)

Qazan da may,shómish te may-jaqsı turadı.Jumamurat degen diyqannıń Sáliyma degen qızına úylengende qırq ǵazdıń góshi asılıp,qazan da may,shómish te may bolgan edi-aw toyda.(K.M.Bozataw.73-bet)

Janı qıl ústinde turıw-ólimi jaqın.Biraq janı qıl ústinde turǵan adamǵa,uzaq joldan láshker menen járdemge kelgen afam menen iyt haqqında sóylesiwi Ayamurattıń kóp waqıtqa shekem yadınan shıqpadı.(K.M.Bozataw.81-bet)

Óǵizge tuwǵan kún,baspaqqa da tuwadı-hámmeniń basında usı kún bar.Olardıń hesh biri ógizge tuwǵan kún ,erteń basbaqqa da tuwatuǵının túsinip jetpedi.(K.M.Bozataw.83-bet)