Yurtimizning dengiz yo’llaridan olisda joylashgani milliy iqtisodiyotning o’sishi, mahsulotlar raqobatbardoshligini ta’minlashga to’sqinlik qilayotgan jiddiy omillardan biri sanaladi

2.3 Oraliq qurilmalarning montaj qilish texnologiyasi

Temirbeton oraliq qurilmalarni qurishning asosiy usuli – konstruksiyaning sanoatda tayyorlangan elementlarini yig‘ishdir. Bo‘ylamasiga bo‘laklangan, bir butun holatda tashiladigan, oldindan zo‘riqtirilgan oraliq qurilmalarning bloklari kapital sex binolari, zamonaviy texnologik jihozlari, mexanizmlari va transport vositalari bo‘lgan temirbeton ko‘prik konstruksiyalari zavodlarida tayyorlanadi. Bu yuqori darajada tayyor va yaxshi sifatga ega bo‘lgan zamonaviy ko‘prik konstruksiyalarini ishlab chiqarishga imkon yaratadi. Zavodlar bilan bir qatorda yig‘ma konstruksiyalarning katta qismi (40% ga yaqini) ob’ekt yaqinidagi poligonlarda tayyorlanadi.

Oraliq qurilmalarning bo‘ylamasiga bo‘lingan bloklari tayanchlar ustiga ko‘tarma ustida yoki yerda turgan avtomobil yoki gusenitsali (bitta yoki ikkita) strelali kranlar yordamida qo‘yiladi.

2.9-rasm Yo’l o’tkazgich oraliq qurilmasini montaj qilish

2.4 Shpunt to’siq hisobi

Metall qoplamali shpuntlardan yasalgan to'siqlar odatda 6 m dan ortiq bo’lgan chuqurlikgacha masofalarda, shuningdek, zich gilsimon yoki shag'alsimon gruntlarda, sayoz chuqurlikda yoki daryoda suv ostki sathidan chuqurda joylashgan kotlovanlarni qazishda qo'llaniladi.

Sun’iy inshootlar tayanchlarining poydevor kotlovanlarini grunt ko’chishidan yoki suv kirishidan himoya qilish uchun asosan profil qatlamli shpuntlar qo'llaniladi (ShK-1, ShK-2, Larsen IV va Larsen V) (2.10-rasm).

2.10-rasm Metall shpunt to’sig’ining profili

Yassi qatlamli shpuntli to’siqlar (ShK-1 va ShK-2) asosan sun'iy orollarning silindrsimon devorlarini shakllantirish uchun ishlatiladi.

Zavod sharoitida uzunligi 8 m dan 22 m gacha bo'lgan shpunt to’siqlari ishlab chiqariladi.
Shpunt to’siqlarining qulflarining bir-biriga mos kelishi 3-4 m uzunlikdagi shpunt to’siqlarining qismlarini vaqtincha mahkamlash bilan birlashmani oldindan yig'ish orqali ta'minlanadi. Suv to’siqlarining bo'g'inlari soni ko'p bo'lmasligi kerak, ikki va uch bo'g'inlar orasidagi masofa 3 m dan kam bo'lmasligi kerak.