Yuridik va jismoniy shaxslarni bojxona nazoratidan o`tkazish reja: kirish

O‘zbekiston Respublikasining Bosh vaziri A. ARIPOV
Toshkent sh.,
2021-yil 20-avgust,
1-bob. Umumiy qoidalar
1. Ushbu Nizom bojxona nazorati ostidagi tovarlarga nisbatan yuk operatsiyalarini amalga oshirish tartibini belgilaydi.
2. Mazkur Nizomda quyidagi asosiy tushunchalar qo‘llaniladi:
axborot tizimi — bojxona nazorati ostidagi tovarlar bo‘yicha amalga oshiriladigan ma’lum yuk operatsiyalarini qayd etish, kuzatish, qayta ishlash, elektron hisobini yuritishga mo‘ljallangan bojxona organlarining avtomatlashtirilgan axborot tizimi;
bojxona nazorati zonasi — O‘zbekiston Respublikasi Bojxona kodeksiga (keyingi o‘rinlarda — Bojxona kodeksi) muvofiq bojxona hududining bojxona to‘g‘risidagi qonunchilik hujjatlariga rioya etilishini ta’minlash maqsadida tashkil qilinadigan, maxsus ajratib va belgilab qo‘yilgan qismi;
bojxona ombori hududi — bojxona ombori o‘rni va unga bevosita tutash bo‘lgan, litsenziya talablari va shartlariga ko‘ra maxsus ajratilgan hamda belgilab qo‘yilgan bojxona nazorati zonasi hisoblanadigan yuk operatsiyalari amalga oshiriladigan hudud;
bojxona omborining vakolatli shaxsi — mehnat shartnomasi asosida bojxona ombori (yuridik shaxs) manfaatlaridan kelib chiqib, uning nomidan harakat qiluvchi shaxs;
vakolatli shaxs — tovar va (yoki) transport vositasi egasi yoki tovarga va (yoki) transport vositasiga nisbatan bojxona to‘g‘risidagi qonunchilik hujjatlariga muvofiq vakolatlarga ega bo‘lgan yoxud tovar va (yoki) transport vositasi egasi nomidan tegishli shartnoma yoki ishonchnoma asosida ish ko‘ruvchi shaxs;
qayta yuklash operatsiyasi — bojxona nazorati ostidagi tovarlarni bir transport vositasidan boshqa transport vositasiga yoki ushbu transport vositasiga qayta yuklash (transport vositasi yuk xonasini ochmasdan qayta yuklash bundan mustasno);
tovarlar bo‘yicha amalga oshiriladigan boshqa operatsiyalar — Bojxona kodeksiga muvofiq tashuvchi, vakolatli shaxs va bojxona ombori egasi yoki uning vakolatli shaxsi tomonidan bojxona nazorati ostidagi tovarlar va (yoki) transport vositalariga nisbatan amalga oshiriladigan operatsiyalar, bojxona organlari mansabdor shaxslari tomonidan amalga oshiriladigan bojxona operatsiyalari bundan mustasno;